Mateo 6:9 - Manobo Western Bukidnon

⁹ Iringi niw heini ke ed-ampù kew: ‘Amey zey ziyà te langit, berakat he tehuza te menusiyà is ngazan nu,

Mateo 6:9 Кръстосани препратки

Mateo 10:29

Egkepemasa ta is dezuwa he zezeisey he tagbis te sengesintabus dà su utew minus is bali zan. Ne minsan pa zutun wazà minsan sevaha kandan he ebpatey ne egkeulug diyà te tanà emun kenà egkesuatan te Amey tew he Megbevayà.

Mateo 23:9

Kenè niw zaan gerari te ‘amey’ is minsan hentei kayi te kelibutan su sebsevaha zà is Amey niw he iyan is Megbevayà diyà te langit.

Mateo 26:29

Egkeg̵iyen ku keniyu he kenè ku en maan ed-inumen is binu taman dutun te timpu keuzemà he ed-iinumey kiw te veg̵u en he vinu emun edhadì en is Amey ku he Megbevayà.”

Mateo 26:42

Ne midlikù si Jesus ne mid-ampù med-uman, ke sikandin te, “Amey ku, emun kenè en egkehimu he id-awà sikan is kedresaya kedì ne iyan egkesunud is kenikew he egkesuatan.”

Mateo 5:16

Ne iring din ded daan is menge ulaula niw he meupiya; kinahanglan he kenè niw ieles. Ipeehè niw te menge etew is menge ulaula niw he meupiya ne tenged kayi ebpekezalig dan te Amey tew he Megbevayà he ziyà te langit.

Mateo 5:48

Kinahanglan he meheg̵et is kebpurungi niw te minsan hentei. Su kes Amey tew ziyà te langit, utew meheg̵et is kebpurungi zin te menusiyà.”

Mateo 6:14

Su sikiyu is menge etew, ke ebpeseyluwen niw is nekesalà keniyu, ebpeseyluwen kew zaan te Amey tew he ziyà te langit.

Mateo 6:6

Iyan, sikiyu, ke ed-ampù kew, med-ulì is kada sevaha ziyà te valey zin, ne medlelekeb wey kenà maahà, ne zutun med-ampù te Amey tew he Megbevayà he kenà egkeahà. Ne is Amey tew he Megbevayà, iyan dà ebpekeahà kandin ne iyan edsuhul kandin keuzemà.

Mateo 7:11

Ne sikiyu is menusiyà he kenà memetazeng, emun meupiya is ibeg̵ey niw ziyà te menge anak niw, iyan pe be is Amey tew he Megbevayà diyà te langit kenà meupiya is ibeg̵ey zin diyà te minsan hentei keniyu ke ebuyù ziyà te kandin.

Lucas 15:18

Iyan tumù ne ed-ulì e zed diyà te amey ku, ne iyan egkeg̵iyen ku ziyà te kandin is: Amà, dekelà utew is salè ku ziyà te Megbevayà wey zini te kenikew te amey ku.

Lucas 15:21

‘Amà,’ egkag̵i haazà is kenakan, ‘utew zekelà is salè ku ziyà te Megbevayà wey ziyan te kenikew te amey ku. Kenà ad dait he ed-isipen nu pa maan he anak nu. Ne himuwe e zà he sevaha te menge sulug̵uen nu.’

Lucas 2:14

ke sikandan te, “Edelig̵en tew is Megbevayà he ziyà te langit. Ne zini te lumpad te kelibutan mebmelinawen is kebpekesavuk te langun he menge etew he igkesuat te Megbevayà.”

Juan 20:17

Ne migkag̵i kandin si Jesus te, “Kenè ka kepkep dini su wazè e pa vetuna pehendiyà te Amey ku. Beyai nu is menge suled ku ne keg̵iya nu te, ‘Edhendiyà a te Amey ku, diyà te Megbevayè ku. Iyan daan sikandin Amey niw wey Megbevayè niw.’ ”

Ruma 1:7

Ne tenged kayi, ebpesuratan ku sikiyu is langun diyan te inged he Ruma he mahal ziyà te g̵ehinawa te Megbevayà he midhimu zin he menge sakup din. Is Amey tew he Megbevayà wey is Nengazen tew he si Jesu Kristu, berakat he ikeg̵ag̵ew kew zan wey iveg̵ey keniyu is melinawen he kebpekesavuk.

Ruma 8:15

Su is Wag̵as he Mulin-ulin he imbeg̵ey kenitew te Megbevayà, ne wazè kiw zin himuwa he menge uripen he utew egkengehandek te Megbevayà, kekenà, midhimu kiw zin he menge anak te Megbevayà. Ne pinaag̵i te g̵ehem te Wag̵as he Mulin-ulin egkehimu en he egkeamey tew is Megbevayà.

Gelasya 1:1

Siak si Pablo is midsurat kayi. Ibpeuwit ku heini ziyan te keniyu te langun he menge tumutuu ziyan te menge inged te tivuuk he prubinsya he Gelasya. Siak wey is langun he menge tumutuu he menge zuma ku zini, ebpengemusta keniyu. Epustul a, iyan, wazà a g̵erari he epustul te etew zà duen, ne kenà daan pinaag̵i te etew zà duen is kedsug̵ua kedì, kekenà, migeraran a he epustul ni Jesu Kristu wey te Amey tew he Megbevayà he mibanhew ki Jesus, ne iyan sikandan midsug̵ù kedì.

Gelasya 4:6

Ne zutun wey ta metueni he anak ki iyan te Megbevayà, midsug̵ù te Megbevayà he ibpeubpà dini te kenita is Wag̵as he Mulin-ulin he ziyà te ki Jesus, ne ibpinted din kenita he mekekag̵i ki te, “Amey ku he Megbevayà.”

1 Timoteo 6:16

Iyan sikandin wazà kemetayen. Diyà sikandin ed-ubpà te kerayag he kenà egkeuvayan. Wazà etew he nekeahà kandin ne kenà sikandin egkeahà te minsan hentei he etew. Berakat he zelig̵a sikandin wey medhadì sikandin te wazà pidtemanan.

1 Pedro 1:17

Ne g̵eina te mibpetavang ki te Amey ta he Megbevayà kinahanglan he utew meheg̵et is kedtehuza ta kandin te zini ki pa ed-ubpà te kelibutan. Iyan sikandin edsusi te menge ulaula te menusiyà sumalà is mid-ulaula te kada sevaha ne wazè din ibpelavi he minsan hentei.

Impezayag 4:11

“He Nengazen dey he Megbevayà, dait ka he edelig̵en, dait ka he edtehuzen. Mekeg̵eg̵ehem ka su nenlimbag ka te minsan hengkey. Nesuat ka he edlimbag ne pinaag̵i kayi nehimu is langun.”

Impezayag 5:12

Ne migkanta zan is langun ne utew mezag̵ing is kegkanta zan. Ke sikandan te, “Is nati he kerehidu he mibpehimatey, dait sikandin he edelig̵en su dekelà is gehem din, dekelà is naazen din, dekelà is ketau zin, dekelà is desen din. Ebentug̵en dey, edtehuzen dey wey edelig̵en dey sikandin!”