Mateo 6:33 - Manobo Western Bukidnon

³³ Iyan, sikiyu mulà, kinahanglan he iyan mahal ziyà te g̵ehinawa niw is kebpahadì niw kandin wey is metazeng he ulaula he ebpeveelan din keniyu ne zutun ibeg̵ey zin keniyu is langun he egkinehenglanen niw.

Mateo 6:33 Кръстосани препратки

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 19:29

Ne is minsan hentei he mid-ewaan din is baley zin, menge suled din, amey zin, iney zin, anak din, wey tanè din su edsunud sikandin kediey, egkezawat din is kenenggatus egketakep haazà is mid-ewaan din ne liyu zutun ibeg̵ey kandin is untung he wazà pidtemanan.

Mateo 3:2

Ke sikandin te, “Iniyug̵i niw is memezaat he ulaula su meg̵aan en edhadì kenitew is Megbevayà he ziyà te langit.”

Mateo 4:17

Ne puun dutun midweliyan ni Jesus is menge etew. Ke sikandin te, “Iniyug̵i niw is memezaat he ulaula niw, su meg̵aan en edhadì keniyu is Megbevayà he ziyà te langit.”

Mateo 5:6

Utew zeyzey sikandan is iyan dekelà te g̵ehinawa zan is kedtumana zan te egkesuatan te Megbevayà su is Megbevayà edtavang kandan te kedtumana kayi.

Lucas 1:6

Si Zacarias wey haazà is esawa zin, metazeng sikandan he etew su wazà igkesawey zutun te kebpurungi zan te edtuman te langun he menge tulumanen wey menge sug̵ù te Megbevayà.

Lucas 12:31

Iyan niw ul-ulaha is ibpeulaula keniyu te Megbevayà he iyan edhadì keniyu ne ibeg̵ey zin diyà te keniyu is langun he egkinehenglanen niw.

Juan 5:4

su zuen timpu he zuen kun belinsug̵uen te Megbevayà he ebpenaug dutun te linew ne egurig̵awen din haazà is wahig. Ne zutun, is egkehuna he etew he ebpekeagbur zutun te wahig, egkeulian sikandin te minsan hengkey he zaru zin.

Juan 6:27

Kenè niw pen-ahaa is egkeenen he meg̵aan dà egkehanew, kekenà, hag̵ù kew wey niw mekuwa is egkeenen he ebpekeveg̵ey te untung he wazà pidtemanan. Siak is Kakey te Menusiyà, iyan heini egkeenen he igkeveg̵ey ku keniyu su impeehè en te Amey ku he Megbevayà he ingkesuat din is menge vaal ku.”

Nengeulaula 20:25

Midtukid ku sikiyu weliyi te kedhadì te Megbevayà Ne g̵untaan netuenan ku en he kenà ad maan keniyu egkeahà.

Nengeulaula 28:31

Impesavut din kandan ke egkemenumenu is kedhadì te Megbevayà ne impenurù din daan ke hentei is Nengazen tew he si Jesu Kristu. Ne wazè din ieles is kebpenurù din ne wazà daan midawey kandin.

Ruma 1:17

Su pinaag̵i te Meupiya he Tudtulanen ibpetuenan kenitew te Megbevayà is paag̵i wey kiw zin meisip he metazeng. Ne heini is paag̵i, ne pinaag̵i te kedtuu zà. Su zuen insurat he Lalag te Megbevayà he edhenduen te, “Is etew he nehimu he metazeng pinaag̵i te kedtuu zin, ne iyan ebeg̵ayan te untung he wazè din pidtemanan.”

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

Ruma 8:31

Ne emun ed-isipen ta is langun kayi, egketuenan ta he tutuu iyan he iyan duma ta is Megbevayà ne wazà minsan hentei he ebpekekaid kenita.

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

1 Kurintu 3:22

Sikami si Pablo wey si Epulus wey si Pedro zaan, iyan key nehimu te Megbevayà he menge sulug̵uen niw su wey kew mezeyzey. Ne minsan is tivuuk he kelibutan wey is egkeulaula keuzemà, wey is egkeulaula g̵untaan wey minsan is untung niw wey kebpatey niw, imbeg̵ey zaan heini is langun te Megbevayà wey kew mezeyzey.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

Pilipus 3:9

su wey a zaan meisip te Megbevayà he metazeng tenged ki Kristu. Wazà a meisip he metazeng pinaag̵i te kediey zà he ulaula te kedtumana te kesug̵uan, su mibpeketazeng a te Megbevayà pinaag̵i te kedtuu ku ki Kristu. Heini is kebmetazeng, ne idtuvad kenita te Megbevayà emun edtuu ki ki Kristu.

2 Tiselunika 1:5

Heini is kedsarig niw wey ked-antus niw, ne iyan tuus he metazeng is kukuman te Megbevayà su pinaag̵i te memerasey he egkeantus niw, ibpeehè din he zait kew he idragkes dutun te menge etew he edhedian din.

1 Timoteo 4:8

Duen deisek he pulus te kedlumbaza te lawa, iyan, utew zekelà is pulus te kedlumbaza te kedtuu ta su iyan ibmeupiya te kebpekesavuk tew minsan guntaan wey lavew en keuzemà ke ziyà ki en te langit.

2 Pedro 1:1

Iyan a si Simon Pedro is teg̵isurat kayi. Sulug̵uen a ni Jesu Kristu wey epustul zin, he ke và dà egkeg̵iya, midsug̵ù e zin. Ebpesuratan ku sikiyu is langun he neketuu ki Jesu Kristu. Megbevayà he Menluluwas tew sikandin. Geina te wazè din ibpelavi he minsan hentei, midhimu kew zin he tumutuu kandin iring te midhimu key zin daan he tumutuu.

2 Pedro 1:11

ne zekelà is kelipey tew keuzemà su egkeg̵alew is Megbevayà kenitew zutun te kebpeseleza zin kenitew zutun te wazà pidtemanan he g̵inhedian te Nengazen tew he si Jesu Kristu he iyan Menluluwas tew.