Mateo 6:28 - Manobo Western Bukidnon

²⁸ Ne maan is egkeseeng kew te ugelingen? Ahaa niw is menge kevukazan te sagbet. Kenè dan edterebahu; kenè dan daan ebpengavel.

Mateo 6:28 Кръстосани препратки

Mateo 10:10

Kenè kew zaan med-uwit te sundang. Is ed-ilisan he sepatus wey kumbalà wey minsan tuked, ne kenè kew med-uwit. Su is sulug̵uen, ibeg̵ey ziyà te kandin is kinahanglan din.

Mateo 6:25

Ne tenged kayi, egkeg̵iyen ku keniyu te menge sumusundan ku he kenè kew meseeng te egkeenen wey ed-inumen he igkeuyag niw. Kenè kew zaan meseeng te ugelingen he idsun-ud te lawa niw. Su mibeg̵ayan kew te Megbevayà te g̵ehinawa niw wey lawa niw he mahal utew; ne wey pe be kenà mehimu he ebeg̵ayan kew zin daan te egkeenen wey ugelingen?

Mateo 6:27

Ne minsan sengemenu is kegkenug̵uni te etew te untung din, wazà minsan hengkey he paag̵i he egkesumpatan din te minsan deisey zà.

Mateo 6:31

Ne tenged kayi, kenè kew meseeng wey megkag̵i te, ‘Hengkey is egkekaan tew, ne hengkey is ed-inumen tew, ne hengkey zaan is igkevisti tew?’

Lucas 10:41

Iyan, migkag̵i si Jesus te, “Marta, utew mezakel is igkesemuki nu he kenà utew ebpulus.

Lucas 12:11

Ne emun tenged te kedtuu niw kedì ed-uwiten kew te menge etew ziyà te menge simbahan dan su edhukuman kew zan ne emun ed-imbistigahan kew zaan diyà te etuvangan te menge hadì wey huwis, kenè kew meseeng ke hengkey is idtavak niw kandan wey ke hengkey is paag̵i niw zutun.

Lucas 12:22

Ne migkag̵i si Jesus diyà te menge sumusundan din te, “Ne tenged kayi egkeg̵iyen ku keniyu te menge sumusundan ku he kenè kew meseeng te egkeenen he igkeuyag niw. Ne kenè kew zaan meseeng te ugelingen he idsun-ud te lawa niw.

Lucas 12:27

Ahaa niw is menge kevukazan ke hengkey is kedtuvù dan. Kenè dan edterebahu ne kenè dan daan ebpengavel. Ne minsan pa zutun, egkeg̵iyen ku keniyu he minsan si Hadì Sulumun dengan he utew sepian wey nevantug, ne wazà mekesusuluwan is kezagwey te menge bisti zin te kezagwey kayi te menge kevukazan.

Lucas 3:11

Ne midtavak ni Juan sikandan te, “Sikan is etew he zezuwa is kumbalè din, ne veg̵ayi zin sikan is wazè din kumbalà. Ne iring din ded daan sikan is etew he zuen din keenen, ne veg̵ayi zin sikan is wazà egkekaan,” ke sikandin.

Pilipus 4:6

Kenè niw ikeseeng is minsan hengkey he egkeulaula niw, kekenà, emun ed-ampù kew buyua niw ziyà te Megbevayà is egkinehenglanen niw ne emun ebuyù kew, ne kinahanglan he peselemati niw en he zaan.

1 Pedro 5:7

Isarig niw ziyà te kandin is minsan hengkey he seeng niw su iyan sikandin ed-elima keniyu.