Mateo 6:27 - Manobo Western Bukidnon

²⁷ Ne minsan sengemenu is kegkenug̵uni te etew te untung din, wazà minsan hengkey he paag̵i he egkesumpatan din te minsan deisey zà.

Mateo 6:27 Кръстосани препратки

Mateo 5:36

Ne minsan is ulu niw, ke zuen ibpenaad niw, kenè niw keg̵iya he mebmeputì is bulvul niw ke kenè niw egketuman haazà is impenaad niw su wazè niw g̵ehem wey mehimu is minsan sevaha zà he vulvul niw he mebmeputì, ne emun kenà, ne mebmeitem.

Mateo 6:25

Ne tenged kayi, egkeg̵iyen ku keniyu te menge sumusundan ku he kenè kew meseeng te egkeenen wey ed-inumen he igkeuyag niw. Kenè kew zaan meseeng te ugelingen he idsun-ud te lawa niw. Su mibeg̵ayan kew te Megbevayà te g̵ehinawa niw wey lawa niw he mahal utew; ne wey pe be kenà mehimu he ebeg̵ayan kew zin daan te egkeenen wey ugelingen?

Mateo 6:28

Ne maan is egkeseeng kew te ugelingen? Ahaa niw is menge kevukazan te sagbet. Kenè dan edterebahu; kenè dan daan ebpengavel.

Mateo 6:31

Ne tenged kayi, kenè kew meseeng wey megkag̵i te, ‘Hengkey is egkekaan tew, ne hengkey is ed-inumen tew, ne hengkey zaan is igkevisti tew?’

Mateo 6:34

Kenè kew meseeng ke hengkey is menge mereg̵en he egkeulaula niw te huziyan he andew su wey niw en heeyan isipa zutun te andew he egkehitavù en. Iyan dà isipa niw is guntaan en he egkehitavù keniyu.”

Lucas 10:41

Iyan, migkag̵i si Jesus te, “Marta, utew mezakel is igkesemuki nu he kenà utew ebpulus.

Lucas 12:11

Ne emun tenged te kedtuu niw kedì ed-uwiten kew te menge etew ziyà te menge simbahan dan su edhukuman kew zan ne emun ed-imbistigahan kew zaan diyà te etuvangan te menge hadì wey huwis, kenè kew meseeng ke hengkey is idtavak niw kandan wey ke hengkey is paag̵i niw zutun.

Lucas 12:22

Ne migkag̵i si Jesus diyà te menge sumusundan din te, “Ne tenged kayi egkeg̵iyen ku keniyu te menge sumusundan ku he kenè kew meseeng te egkeenen he igkeuyag niw. Ne kenè kew zaan meseeng te ugelingen he idsun-ud te lawa niw.

1 Kurintu 12:18

Meupiya su kenà iring dutun is kedlimbag̵a te Megbevayà su te kedlimbag̵a zin te etew, midlimbag din dutun te lawa te etew is langun he kenà ed-iiring-iring he egkinehenglanen din sumalà is egkesuatan te Megbevayà.

Pilipus 4:6

Kenè niw ikeseeng is minsan hengkey he egkeulaula niw, kekenà, emun ed-ampù kew buyua niw ziyà te Megbevayà is egkinehenglanen niw ne emun ebuyù kew, ne kinahanglan he peselemati niw en he zaan.

1 Pedro 5:7

Isarig niw ziyà te kandin is minsan hengkey he seeng niw su iyan sikandin ed-elima keniyu.