Mateo 6:23 - Manobo Western Bukidnon

²³ Iyan, emun lakap ki, he ke và dà egkeg̵iya, emun lalung ki, ne henduen be te egkezukileman ki. Ne emun nelakap ki tenged te kelelalung ta ne utew merusirem iyan is ibayè ta.

Mateo 6:23 Кръстосани препратки

Mateo 20:15

Kenè be egkehimu he iyan a ebayàbayà te kediey he selapì? Egkesina kew ve kandan tenged te ketulanged ku?’ ”

Mateo 6:22

Is mata ta, ne iring te sulù kayi te lawa ta su emun merayag is ked-ehè ta, he ke và dà egkeg̵iya, metazeng is ulaula ta, ne henduen be te egketeyawan is tivuuk he lawa ta.

Lucas 11:34

Is mata te etew, ne iring te sulù diyà te lawa zin su emun merayag is ked-ehè din, he ke và dà egkeg̵iya, emun metazeng is ulaula zin, ne henduen be te egketeyawan is tivuuk he lawa zin. Iyan, emun lakap sikandin, he ke và dà egkeg̵iya, lalung sikandin, henduen be te egkekezukileman is tivuuk he lawa zin.

Lucas 8:10

Ne midtavak si Jesus te, “Sikan is in-eles dengan mehitenged te kedhadì te Megbevayà, ibpesavut ku en keniyu te menge sumusundan ku, iyan, is menge zuma he menge etew he kenè dan edsundan kedì, ibpenurù ku kandan pinaag̵i te menge sempità su wey minsan edtengteng dan, kenè dan ebpekeahà ne minsan ebpemineg dan ne kenè dan ebpekesavut.”

Ruma 1:22

Ne minsan pa te egkeg̵iyen dan he metau zan he ed-isip, iyan, nehimu zan en he menge taleng.

1 Kurintu 2:14

Ne is etew he wazà diyà te kandin is Wag̵as he Mulin-ulin, kenè din edewaten is ibpenurù te Wag̵as he Mulin-ulin su wazà pulus kayi ziyà te kandin, ne kenè din daan egkesavut su iyan dà ebpekeseysey kayi ziyà te kandin is Wag̵as he Mulin-ulin.

Ipisu 4:18

Wazè dan hanew te hustu he ibayà ne wazè dan untung he ibeg̵ey te Megbevayà, geina te nengepaglung sikandan tenged te kezesen te g̵ehinawa zan.

Ipisu 5:8

Su zengan utew merusirem is ibayè niw, iyan, guntaan neteyawan is ibayè niw su nehimu kew en he menge sakup te Nengazen. Ne tenged kayi, kinahanglan he zait is ulaula niw te ked-ikula niw te merayag he ibayà.

1 Juan 2:11

Iyan, is etew he ebpekigkuntada te zuma zin, kemulu pa is isip din diyà te kerusireman ne mezaat pa is menge ulaula zin. Iring sikandin te etew he kenè din egketuenan ke hendei sikandin ebpekepevayà su ziyè pa sikandin te kerusireman.