Mateo 6:2 - Manobo Western Bukidnon

² Ne emun duen ibeg̵ey niw ziyà te egkeayuayu kinahanglan he kenà iyan id-ul-ulaha niw zutun su wey mezalig kew te menge etew. Su iyan haazà baal te menge etew he tarù is kedtuu zan. Ed-ul-ulahan dan haazà diyà te menge simbahan wey ziyà te kersada su wey mezalig sikandan te menge etew. Kenè niw lipati he tenged te nezawat dan en is kedelig̵a kandan te menge etew, wazè en egkezawat dan he ebpuun diyà te Megbevayà.

Mateo 6:2 Кръстосани препратки

Mateo 15:7

Tarù is kedtuu niw te Megbevayà! Utew hustu is Lalag te Megbevayà he insurat te tipehuna he ebpeneuven he si Esaias. Netagnè kew zin, su ke sikandin te,

Mateo 16:3

Ne ke egkepawà ne ebpemurawag ne zuen kivel, egkag̵i kew zaan te, ‘Edrendeng guntaan.’ Egketuusan niw is uzan tenged te g̵apun, iyan, kenè niw ves egketuusan is ed-ul-ulahan guntaan te Megbevayà.

Mateo 22:18

Ne netuenan ni Jesus ke hengkey is mezaat he ziyà te g̵ehinawa zan ne ke sikandin te, “Teruen kew, maan is egezaman a keniyu?

Mateo 23:5

Mezakel is ed-ul-ulahan dan wey sikandan mezalig te menge etew su ibpeehè dan he edtumanen dan is sug̵ù te Megbevayà pinaag̵i zà te ebped-eepizen dan he insurat he Lalag te Megbevayà he ibedbed dan diyà te velad dan wey ziyà te vuked dan, wey pinaag̵i te utew meluag he sidsid te kemisula zan.

Mateo 23:6

Iyan egkesuatan dan he utew zan tehuza ke edtelavuk dan te keemuran; ne emun diyè dan te simbahan, egkesuatan dan he iyan sikandan ibpepinuu ziyà te ebpepinuuwan te lavew he menge etew.

Mateo 24:51

Ne haazà he sulug̵uen, edsilutan sikandin dutun te egalen din ne ebeelan diyà te kandin is iring te ebeelan daan diyà te menge etew he tarù is kedtuu zan. Ne zutun ebpekekulahì sikandin ne ebpekengingitel tuus te utew zin kebpekedsendit.”

Mateo 5:18

Su taman te kenè pa egkehanew is langit wey tanà, kenà egkehimu he id-awà is minsan sengetag̵è dà he lalag duen te kesug̵uan. Taman te kenè pa egketuman is langun, kenà daan egkeawà is kesug̵uan. Kenè niw lipati heini.

Mateo 6:16

Ne emun edsalang kew egkaan su ebpengampù kew ziyà te Megbevayà, kenè niw ipetuusi pinaag̵i te kebuvuked niw iring te menge etew he egkesuat he mezalig sikandan te menge zuma he etew. Edrig̵urig̵u zan, ne kenè dan ebpendapug wey kenè dan ebpenuwat su wey metueni te menge etew he edsalang dan egkaan. Egkeg̵iyen ku keniyu he nezawat dan en is kedelig̵a kandan te menge etew. Ne wazè en duma pa he suhul he egkezawat dan he ebpuun te Megbevayà.

Mateo 6:3

Iyan, sikiyu mulà, ke zuen idtavang niw ziyà te egkeayuayu kinahanglan he kenà egketuenan te minsan menge zuma niw.

Mateo 6:5

Ne emun ed-ampù kew kenè niw iringi is menge etew he tarù is kedtuu zan. Egkesuatan dan he mekehitindeg dan is ed-ampù diyà te menge simbahan wey ziyà te kersada wey maahà sikandan te menge etew. Egkeg̵iyen ku keniyu he nezawat dan en is kedelig̵a kandan te menge etew. Ne wazè en duma pa he suhul he egkezawat dan he ebpuun te Megbevayà.

Mateo 7:5

Utew tarù is ulaula nu! Ihuna nu iawà is batang he nekepesek kenikew ne human ka ebpekeahà. Ne zutun melemu nu zà igkeawà haazà is nekepesek te zuma nu.”

Marcos 12:39

Ne emun diyè dan te simbahan, egkesuatan dan he iyan sikandan ibpepinuu ziyà te ebpepinuuwan te lavew he menge etew. Ne egkesuatan dan daan he utew zan metahud ke edtelavuk dan te keemuran.

Marcos 7:6

Ne midtavak si Jesus te, “Sikiyu is akal zà is kedtuu niw te Megbevayà, utew hustu is Lalag te Megbevayà he insurat te tipehuna he ebpeneuven he si Esaias. Netagnè kew zin su ke sikandin te, ‘Heini is menge etew,’ egkag̵i is Megbevayà, ‘egkag̵i zan he edtehuzen e zan, iyan, wazà kedtuu he neseled te g̵ehinawa zan.

Lucas 11:41

Ne sumalà is egkehimu niw, beg̵ayi niw is menge egkengeayuayu ne human egkehimu he egkelumpiyuwan kew egkepurungi.

Lucas 11:43

Kehizu niw te menge Perisiyu su emun diyè kew te simbahan egkesuatan niw he ibpepinuu kew ziyà te menge pinuuwà te menge egalen. Ne emun diyè kew te tiyenggiyan, utew ibmeupiya te g̵ehinawa niw ke edtehuzen kew te menge etew.

Lucas 12:33

Ivelegyè niw is langun he azen niw ne ipemeg̵ey niw is halin diyà te menge egkengeayuayu. Pinaag̵i kayi egkehimu he zuen ketig̵eyunan niw ziyà te langit. Is menge azen niw ziyà te langit, ne kenà egkezeetan ne kenà egketerinan su wazà ebpenakew ne wazà ipes he ebpekeketket.

Lucas 12:56

Tarù is ulaula niw! Su emun ed-ahaan niw is langit wey tanà egketuenan niw ke hengkey is egkehitavù te timpu, iyan, kenè niw uvag egkesavut ke hengkey is ed-ul-ulahan guntaan te Megbevayà pinaag̵i kedì.”

Lucas 13:15

Ne midtavak kandin si Jesus te, “Tarù is menge ulaula niw! Ke zuen baka ne emun kenà ne kudà te minsan hentei keniyu, kenà egkehimu he kenè din edhekazan haazà emun Andew te Kedhimeley, kekenà, edhekazan din ne edtuyuken din pehendiyà te wahig su ibpeinum din.

Lucas 20:46

“Andam kew limbe wey kew kenà mekeiring te menge menunudlù te kesug̵uan su iyan dà egkesuatan dan is kedhiphipanew he memelayat is kemisula he edtehuzen sikandan te menge etew emun diyè dan te mirkadu. Ne emun diyè dan te simbahan egkesuatan dan he iyan sikandan ibpepinuu ziyà te ebpepinuuwan te lavew he menge etew. Ne egkesuatan dan daan he utew zan metahud ke edtelavuk dan te keemuran.

Lucas 6:24

Iyan, kehizu niw te menge sepian guntaan su emun egkehanew is menge ketig̵eyunan niw wazè en duma pa he igkelipey niw keuzemà.

Lucas 6:42

Ne egkeg̵iyan nu pa sikandin he id-awè nu haazà is nekepesek kandin, iyan, nepesek mulà is kenikew he mata te vatang he ebpesegdanen nu! Utew tarù is ulaula nu! Ihuna nu iawà is batang he nekepesek kenikew ne human ka ebpekeahà. Ne zutun melemu nu zà igkeawà haazà is nekepesek te zuma nu.”

Juan 13:29

Kunaan te zuma he ibpepemasa ni Jesus sikandin te egkinehenglanen dan he idsilibra te pista, ne emun kenà, duen ibpeveg̵ey ni Jesus diyà te menge egkengeayuayu. Umba iyan haazà netag̵ù diyà te g̵ehinawa zan su si Hudas, iyan edtipig te selapì dan.)

Juan 5:41

Kenà ku iyan ebpengahaan is kegkezelig̵a kedì te menge etew

Juan 5:44

Egkemenumenu is hustu he kebpeketuu niw emun ebpengahaan niw te kada sevaha is kegkezelig̵i keniyu te menge zuma niw, ne is kegkezelig̵i pezem keniyu te sebsevaha zà he Megbevayà, kenè niw egkesuatan?

Juan 7:18

Su ke zuen etew he ibpenurù din is kandin dà he isip, ebpevantug dà te menge etew, iyan, is etew he ibpenurù din is kegkevantug te midsug̵ù kandin, egkeserig̵an is lalag din su kenà tarù is ibpenurù din.

Nengeulaula 10:2

Heini si Cornelio, ne metinumanen te sug̵ù te Megbevayà. Sikandin wey is tivuuk he pemilya zin, minsan kenè dan menge Hudiyu, ed-azap dan te Megbevayà. Dekelà is tavang din te menge egkengeayuayu he menge Hudiyu wey layun sikandin ed-ampù diyà te Megbevayà.

Nengeulaula 10:31

Ke sikandin te, ‘Cornelio, midineg en te Megbevayà is ked-ampù nu, ne wazè din daan melipati is tavang nu te menge etew.

Nengeulaula 10:4

Ne si Cornelio, netengtengan din haazà is belinsug̵uen ne utew sikandin nahandek. Ne ke sikandin te, “Hengkey?” Ne migkag̵i haazà is belinsug̵uen te, “Midineg en te Megbevayà is ked-ampù nu ne neehè din is ketulanged nu ne kenè ke zin egkelipatan.

Nengeulaula 11:29

Ne tenged dutun neuyun is menge sumusundan diyà te Entiyukya he ed-emutè dan te selapì. Ne mebeg̵ey is kada sevaha sumalà is egkehimu zin wey zan metevangi is menge egkengeayuayu he menge zuma zan he menge tumutuu ziyà te prubinsya he Hudiya.

Nengeulaula 24:17

Umba midhendiyà a te Hiruselim su nepipire en he tuig is wazà a mekehendiyà. Midhendiyà a su wey ku ikehated is selapì he idtavang diyà te menge zuma ku he Hudiyu wey a zaan mekepemuhat diyà te Megbevayà.

Nengeulaula 9:36

Ne ziyà te inged he Hupi, duen sumusundan he vahi he egngezanan ki Tebita, ne emun kineg̵iyan he Gerisyahanen, iyan ngazan din si Durkas, he ke và dà egkeg̵iya, Kuleping. Ne heini is bahi, mezakel is menge meupiya he vaal zin; layun edtavang te egkengeayuayu.

Ruma 12:8

Ne emun iyan imbeg̵ey kenita is ketau te kedheg̵eta te kedtuu te menge zuma ta ne iyan heini ed-ul-ulahan ta. Ne emun iyan imbeg̵ey kenita is ketulanged ta te kedtavang te menge etew he egkengeayuayu, ne kinahanglan he edtulanged ki te kedtavang kandan. Ne emun iyan imbeg̵ey kenita is kedumelaha te menge tumutuu ne kinahanglan he ebpurungan ta is kedumala ta. Ne emun iyan imbeg̵ey kenita is kedtavang te menge etew he edlised ne kinahanglan he kenà pinaag̵i te ked-usur is ked-ul-ulaha ta kayi.

1 Kurintu 13:3

Minsan pa ke id-amin ku ibpemeg̵ey is menge azen ku ziyà te egkengeayuayu ne idtug̵ut ku he edtutungen is lawa ku, iyan, ke kenà mahal zini te g̵ehinawa ku is menge zuma ku, wazà daan pulus kayi te menge ulaula ku.

Gelasya 2:10

Iyan dan dà intelaan kenami is kedtevangi zey te menge tumutuu he egkengeayuayu ziyà te Hiruselim, iyan, daan ku en heini midheg̵et dini te g̵ehinawa ku.

Ipisu 4:28

Is tekawen, engkezi zin is kebpenakew ne medterebahu su wey hustu he paag̵i is kegkuwaa zin te igkeuyag din ne wey metevangi zin is egkengeayuayu.

1 Tiselunika 2:6

Wazè key mebpezalig keniyu; wazè key zaan mebpezalig te zuma. Geina te menge epustul key ni Kristu, egkehimu he edsug̵ùsug̵ù key zaan keniyu, iyan, wazè dey heini ul-ulaha.

1 Timoteo 6:18

Keg̵iyi nu is menge sepian he tumutuu he hemeni zan ul-ulaha is meupiya su iyan heini hustu he ketig̵eyunan. Mebmetulanged dan wey mebmetinevangen.

Pilimun 1:7

Utew ku ingkelipey, Geli, is kebmahala nu te menge zuma tew he tumutuu. Ingkeheg̵et heini te kedtuu ku su pinaag̵i kenikew nengelipey is gehinawa te menge etew ziyan he g̵aked te Megbevayà.

Hibriyuhanen 13:16

Kenè niw lipati is kebpurung niw te minsan hentei he zuma niw, ne mebpetebtevangè kew su is ulaula he iring kayi, ne iring te pemuhat he egkesuatan te Megbevayà.

1 Pedro 4:11

Sikita is edwali, kinahanglan he is kedwali ta, ne utew hustu he iring te iyan en edwali is Megbevayà. Sikita is edtavang, ne kinahanglan he kenè ta edlipatan he is idtavang ta, ne ziyà ebpuun te Megbevayà su wey pinaag̵i te g̵ehem ni Jesu Kristu iyan mevantug is Megbevayà te minsan keenu su iyan dait he edelig̵en wey zait he ebayàbayà te wazà pidtemanan.