Mateo 6:18 - Manobo Western Bukidnon

¹⁸ su wey kenà metueni te zuma he edsalang kew. Iyan dà egkesayud is Amey tew he Megbevayà he wazà duen ebpekeeles. Iyan sikandin ebpekeahà te ulaula nu minsan sebsevaha nu, ne iyan daan sikandin edsuhul kenikew.

Mateo 6:18 Кръстосани препратки

Mateo 6:4

Kenè niw petueni te menge etew haazà is kebeg̵ey niw te tavang dutun te egkeayuayu, ne is Amey tew ziyà te langit, iyan dà ebpekeahà dutun ne iyan daan edsuhul keniyu.

Mateo 6:6

Iyan, sikiyu, ke ed-ampù kew, med-ulì is kada sevaha ziyà te valey zin, ne medlelekeb wey kenà maahà, ne zutun med-ampù te Amey tew he Megbevayà he kenà egkeahà. Ne is Amey tew he Megbevayà, iyan dà ebpekeahà kandin ne iyan edsuhul kandin keuzemà.

Ruma 2:6

Su ibeg̵ey zin diyà te langun is dait he ibeg̵ey te kada etew sumalà is mid-ulaula zan.

2 Kurintu 10:18

Su emun edelig̵en ta is kenita he menge vaal, kenà heini egkesuatan te Megbevayà, iyan, emun duen igkezelig̵i kenita te Megbevayà iyan heini egkesuatan te Megbevayà.

2 Kurintu 5:9

Iyan, ke minsan hendei ki, ke zini ki te kelibutan wey ke ziyè ki ve te ed-ubpaan te Megbevayà, iyan utew ta egkesuati is kedtumana ta te egkesuatan te Megbevayà.

1 Pedro 1:7

Is kedtuu niw, ne iring te vulawan su egezaman is bulawan pinaag̵i te hapuy su wey ikepaahà ke tutuu ve. Umba idtug̵ut te Megbevayà he mekeantus kew te merasey su wey pinaag̵i te kemeresayan meg̵ezami is kedtuu niw ke tutuu ve wey ke kenà. Mahal pa is kedtuu niw kenà is bulawan su melemu egkezeeti is bulawan. Ne emun tutuu is kedtuu niw, edelig̵en kew, ebentug̵en kew, wey edtehuzen kew keuzemà emun ibpeg̵awag̵awa en si Jesu Kristu.

1 Pedro 2:13

Kinahanglan he edtumanen niw is midtukud he velaud diyan te inged niw su iyan heini egkesuatan te Nengazen. Ebpesakup ki te lavew he hadì su iyan sikandin ebayàbayà te langun.