Mateo 5:6 - Manobo Western Bukidnon

⁶ Utew zeyzey sikandan is iyan dekelà te g̵ehinawa zan is kedtumana zan te egkesuatan te Megbevayà su is Megbevayà edtavang kandan te kedtumana kayi.

Mateo 5:6 Кръстосани препратки

Lucas 1:53

Is menge etew he egkengeayuayu, iyan ebeg̵ayan din te meupiya, iyan, is menge sepian, ibpehipanew zin he wazè dan uwiten.

Lucas 6:21

Utew kew zeyzey is egkengevitil g̵untaan su ebpekehentayen kew keuzemà te Megbevayà! Utew kew zeyzey is egkengeseeng guntaan su egkengelipey kew keuzemà.

Lucas 6:25

Kehizu niw te layun egkengehantey g̵untaan su zuen timpu keuzemà he egkengevitil kew! Kehizu niw te egkengelipey g̵untaan su zuen timpu keuzemà he utew kew egkengeseeng.

Juan 4:14

iyan, ke zuen ed-inum te wahig he ibeg̵ey ku kandin kenè en maan sikandin egkemezahan te minsan keenu. Su is wahig he ibeg̵ey ku kandin, egkehimu ziyà te kandin he ulu te wahig he ebpekeveg̵ey kandin te untung he wazà pidtemanan.”

Juan 6:27

Kenè niw pen-ahaa is egkeenen he meg̵aan dà egkehanew, kekenà, hag̵ù kew wey niw mekuwa is egkeenen he ebpekeveg̵ey te untung he wazà pidtemanan. Siak is Kakey te Menusiyà, iyan heini egkeenen he igkeveg̵ey ku keniyu su impeehè en te Amey ku he Megbevayà he ingkesuat din is menge vaal ku.”

Juan 7:37

Utew mahal ziyà te menge Hudiyu is ketepusan he andew te kedsilibra zan te pista. Ne hein netuman en haazà, midhitindeg si Jesus ne midhabet megkag̵i te, “Is etew he egkemezahan, medhendini te kediey ne ibpeinum ku sikandin.

Impezayag 7:16

Kenè dan en egkengevitil; ne kenè dan en egkengemezahan; kenè dan en daan egkengetutung te andew wey minsan hengkey he utew meinit.