Mateo 5:47 - Manobo Western Bukidnon

⁴⁷ Ne emun iyan niw zà idtetepian is menge emig̵u niw, hengkey is igkezelig̵i keniyu? Wazà, su minsan is menge etew he wazà med-azap te Megbevayà, ed-ul-ulahan dan is iring kayi.

Mateo 5:47 Кръстосани препратки

Mateo 10:12

Ne emun ebpemenahik kew ziyà te sengevaley, ne penubtuvazi niw is ed-ubpà dutun te, ‘Tuvazi kew te Megbevayà,’

Mateo 5:20

Egkeg̵iyan ku sikiyu he wey kew zà egkehedii te Megbevayà ke edtumanen niw is egkesuatan te Megbevayà ne kinahanglan daan he lavew kew pa he metinumanen kenà is menge menunudlù te kesug̵uan wey is menge Perisiyu.

Mateo 5:46

Kenè niw isipa he edsuhulan kew te Megbevayà ke iyan dà ebpurungan niw is ebpurung daan keniyu; su minsan is menge menunukut te vuhis he limbung is ulaula zan, ebpurungan dan daan is ebpurung kandan.

Mateo 5:48

Kinahanglan he meheg̵et is kebpurungi niw te minsan hentei. Su kes Amey tew ziyà te langit, utew meheg̵et is kebpurungi zin te menusiyà.”

Lucas 6:32

Kenè nu isipa he edsuhulan ka te Megbevayà emun iyan nu zà igkesuat is menge etew he igkesuat ke zan daan su minsan is menge mesinupaken he etew, ne igkesuat dan daan is menge etew he egkesuat kandan.

Kulusas 4:14

Si Lucas, is minahal tew he duktur, ne ebpengemusta zaan keniyu wey si Dimas.

Kulusas 4:15

Ipengemusta key zaan te menge suled tew ziyà te inged he Leudisiya. Si Nimpa zaan wey is menge tumutuu he ziyà edsimba te valey zin, ebpengemusta key zaan kandan.

1 Pedro 2:20

Iyan, kenè ki zait he edtuvazan te meupiya emun iyan igkeentusa ta te kedsiluti kenita is mezaat he ulaula ta. Iyan, ke ebpekeantus ki te merasey te wazà mezaat he mid-ulaula ta, edtuvazan ki te Megbevayà.