Mateo 5:46 - Manobo Western Bukidnon

⁴⁶ Kenè niw isipa he edsuhulan kew te Megbevayà ke iyan dà ebpurungan niw is ebpurung daan keniyu; su minsan is menge menunukut te vuhis he limbung is ulaula zan, ebpurungan dan daan is ebpurung kandan.

Mateo 5:46 Кръстосани препратки

Mateo 11:19

Ne siak is Kakey te Menusiyà, wazà a medsalang megkaan ne mid-inum a mulà te vinu ne neinuinu kew ne migkag̵i niw he vuleg̵uk a wey pereinum te vinu. Ne ke sikiyu zaan he emig̵u a te menge lalung he etew iring te menunukut te vuhis wey menge mesinupaken. Iyan,” ke si Jesus, “egketuusan ta he utew metau is Megbevayà pinaag̵i te egkeveelan din.”

Mateo 18:17

Ne emun kenè pa sikandin ebpekidhusayà, tudtula nu ziyà te nengetig̵um he menge zuma niw he tumutuu. Ne emun kenè pa ebpekidhusayà dutun, isipa niw sikandin he iring te etew he kenà tumutuu te Megbevayà wey isipa niw zaan sikandin he iring te sevaha zuen te limbungan he menunukut te vuhis.

Mateo 5:47

Ne emun iyan niw zà idtetepian is menge emig̵u niw, hengkey is igkezelig̵i keniyu? Wazà, su minsan is menge etew he wazà med-azap te Megbevayà, ed-ul-ulahan dan is iring kayi.

Mateo 6:1

“Kinahanglan he kenà iyan idsimbaha niw te Megbevayà su wey mezalig kew te menge etew. Su emun iyan heini ulaula niw, kenè kew edsuhulan keuzemà te Megbevayà he Amey tew ziyà te langit.

Marcos 2:15

Ne hein egkaan si Jesus wey menge sumusundan din diyà te valey ni Levi mezakel is menge menunukut te vuhis wey menge mesinupaken he etew he nemengaan duma kandan su mezakel is nemekesundan kandin.

Marcos 2:16

Ne zuen dutun daan menge Perisiyu he menge menunudlù te kesug̵uan. Ne hein neehè dan he egkaan si Jesus duma zutun te menge mesinupaken wey menunukut te vuhis, nenginginsà sikandan duen te menge sumusundan ni Jesus, ke sikandan te, “Maan is egkaan si Jesus wey ed-inum duma te menge limbungan he menge menunukut te vuhis wey menge mesinupaken?”

Lucas 15:1

Ne zutun he timpu, duen mezakel he menge mekesesalà he etew he menge menunukut te vuhis wey menge mesinupaken te kesug̵uan, ne nemenhendiyè dan te ki Jesus su ebpemineg̵en dan is penurù din.

Lucas 18:13

Iyan, haazà is sevaha he etew he menunukut te vuhis, ne mibpekeziyù sikandin is ebpekezuzungul ne egkepenempaling din is kumeng din su utew neseeng. Ne mid-ampù sikandin diyà te Megbevayà he egkag̵i te, ‘Megbevayà, ikehizu a utew kenikew is sevaha he etew he mekesesalà!’ ”

Lucas 19:2

Ne zuen dutun maama he tigHiriku he egngezanan ki Sekiyu. Ne haazà si Sekiyu, ne iyan egalen te menge menunukut te vuhis dutun; ne sepian daan utew sikandin.

Lucas 19:7

Ne hein nezineg haazà te menge etew is lalag ni Jesus diyà te ki Sekiyu ne wazè dan mesuati ne pesikag̵i sikandan te, “Maan is ebpemenahik si Jesus diyà te valey te etew he utew mesinupaken te Megbevayà?”

Lucas 3:12

Ne zutun nekeuma is menge menunukut te vuhis su ebpebewtismu zaan sikandan. Ke sikandan te, “Menunudlù, hengkey is egkesuatan te Megbevayà he ed-ul-ulahan dey?”

Lucas 5:29

Ne zutun midtukud te zekelà he keemuran si Levi ziyà te valey zin su zutun si Jesus. Ne mezakel is nemenelavuk dutun he menge menunukut te vuhis he menge zuma ni Levi, ne zuen daan menge zuma he menge etew he nemengaan duma kandan.

Lucas 5:30

Ne zuen menge Perisiyu wey menge menunudlù te kesug̵uan he nekeahà kayi te menge etew. Ne migkeg̵iyan dan is menge sumusundan ni Jesus te, “Maan is egkaan kew wey ed-inum kew zuma te menge limbungan he menunukut te vuhis wey te menge mesinupaken?”

Lucas 7:29

Ne hein nezineg heini is menge penurù ni Jesus te langun he menge etew zutun wey te menge mesinupaken he menge menunukut te vuhis, migkag̵i zan he utew hustu is menge ulaula te Megbevayà. Umba migkag̵i zan heini su iyan si Juan kes mibpemewtismu kandan.

Lucas 7:34

Ne siak is Kakey te Menusiyà, wazà a medsalang megkaan ne mid-inum a mulà te vinu ne nengeinuinu kew ne migkag̵i niw he vuleg̵uk a wey pereinum te vinu. Ne ke sikiyu te emig̵u a te menge lalung he etew iring te menunukut te vuhis wey menge mesinupaken.