Mateo 5:39 - Manobo Western Bukidnon

³⁹ Ne iyan kedì he penurù keniyu is: kenà egkehimu he ebelesan ta is ebpesipala kenita, kekenà, ebpurungan ta. Ne emun edtebpien din is kewanan he enaping ta, egkeg̵iyan ta he egkehimu pa ke elin din edtebpien is divaluy.

Mateo 5:39 Кръстосани препратки

Mateo 5:40

Ne emun duen ebpenukut kenita ne edluwasen din is kemising ta, su iyan din ibpevayad, elin ta ibeg̵ey kandin is kumbalè ta.

Lucas 6:7

Ne zuen dutun menge etew he Perisiyu wey menge menunudlù te kesug̵uan. Ne mibentayan dan si Jesus su ed-ehaan dan ke ebewian din be haazà is etew zutun te andew su Andew te Kedhimeley. Iyan ibpurungi zan ibentayi ki Jesus su wey zan mekeahà te paag̵i te kedsumbunga zan kandin he midsupak din is Andew te Kedhimeley.

Juan 18:23

Ne midtavak kandin si Jesus te, “Emun mezaat is migkag̵i ku, keg̵iya nu ke hengkey is mezaat he nekag̵i ku, ne emun ke wazà mezaat, maan is midsumbag a kenikew?”

1 Kurintu 6:7

Ne heini is kebpesumsumbungè niw, wazè niw ve metueni he tuus heini he utew zekelà is kurang te kedsunud niw te Nengazen? Deyzey ke kenè kew medsukul ke zuen ebpesipala keniyu. Deyzey ke ed-eg̵awan kew te menge azen niw, kenà te idsumbung niw is duma niw he tumutuu.

1 Tiselunika 5:15

Kenè niw itug̵ut he zuen minsan hentei keniyu he ebales te mezaat, kekenà, mebpepurpurungè kew layun. Purungi niw zaan is minsan hentei he etew.

Hibriyuhanen 12:4

Su netuenan niw he zutun te kedsukuli niw te mezaat he ulaula, wazà minsan hentei keniyu he midhimetayan tenged te kedtuu zin.

Santiago 5:6

Su impesilutan niw wey mibunù niw is menge metazeng he etew, minsan pa te wazè dan medsukul keniyu.

1 Pedro 3:9

Ke zuen ebpesipala keniyu kenè niw velesi te mezaat. Ke zuen edrawak keniyu kenè niw zaan penrewaki, kekenà, belesi niw te meupiya. Su umba midhimu kew te Megbevayà he menge tumutuu su wey kew zin metuvazi te meupiya.