Mateo 5:35 - Manobo Western Bukidnon

³⁵ ne is tanà, iyan nesevukan te paa zin. Ne kenè niw zaan ipengeluambit he mezeeti is inged he Hiruselim ke kenè niw egketuman is lalag niw su iyan ed-ubpaan te lavew he hadì.

Mateo 5:35 Кръстосани препратки

Mateo 5:36

Ne minsan is ulu niw, ke zuen ibpenaad niw, kenè niw keg̵iya he mebmeputì is bulvul niw ke kenè niw egketuman haazà is impenaad niw su wazè niw g̵ehem wey mehimu is minsan sevaha zà he vulvul niw he mebmeputì, ne emun kenà, ne mebmeitem.

Nengeulaula 7:49

‘Egkag̵i is Nengazen te, “Is langit, ne pinuuwè ku wey is tanà, ne iyan edsevukan ku te paa ku. Wazà baley he egkeveelan niw he ed-ereg̵an ku. Kenè kew zaan ebpekevaal te hustu he edhimelayan ku

Impezayag 21:10

Ne zutun, pinaag̵i te g̵ehem te Wag̵as he Mulin-ulin mid-ag̵ak a te velinsug̵uen pehendiyà te utew metikang he vuntud. Ne impeehè din kediey is inged te Megbevayà he iyan sikan is inged he Hiruselim he idlugtanà he ebpuun te Megbevayà diyà te langit.

Impezayag 21:2

Ne zutun neehè ku is inged te Megbevayà he Veg̵u he Hiruselim he idlugtanà he ebpuun te Megbevayà diyà te langit. Utew mekempet haazà is inged su is kekempet din ne iring te kekempet te vahi he ed-esewaan he nepurungan mebistiyi.