Mateo 5:32 - Manobo Western Bukidnon

³² Ne iyan kedì he penurù is: emun ed-engkezan te maama is esawa zin he wazà sikandin is maama selselai zutun te esawa zin, heini he maama, ne ebpekesalà su pinaag̵i kayi ibpesavut din he nekesalà kandin is esawa zin. Ne ebpekesalà daan is maama he ebpengesawa zutun te vahi he mid-engkezan te esawa zin.

Mateo 5:32 Кръстосани препратки

Mateo 5:28

Ne iyan kedì he penurù is: ke zuen minsan hentei he maama he edtengteng dà te vahi he kenè din esawa ne egkeerig̵an en dutun, ne haazà is maama, nekesalè en dutun te esawa zin.

Lucas 16:18

Ne elin daan migkag̵i ni Jesus is, ke sikandin te, “Ke zuen maama he ebpengesawa te sengevevahi su mid-engkezan din is esawa zin, ebpekesalà sikandin dutun te mid-engkezan din he esawa. Ne ebpekesalà daan is maama he ebpengesawa zutun te vahi he mid-engkezan te esawa zin.”

Lucas 9:30

Ne netekewtekew mekepeg̵awag̵awa is dezuwa he maama he ebpekidlalag kandin he iyan si Moises wey si Elias, kes menge tipehuna he ebpeneuven te Megbevayà.

Lucas 9:35

Ne nezineg dan is midtik-ew megkag̵i he ebpuun dutun te g̵apun te, “Iyan heini Anak ku he mibpilì ku he ibpahadì. Pemineg̵a niw is menge lalag din.”

Ruma 7:3

Iyan, emun wazè pa mebpatey haazà is esawa zin ne ebpekiduma wey ebpekidhulid te sengememaame en, ne nesupak din is belaud su neselselaan din haazà is esawa zin. Ne emun ebpatey is esawa zin, ebpekepeesawa ne kenè en ebpekesalà sikandin su nelibri sikandin dutun te velaud mehitenged te telteleesawa.

1 Kurintu 7:4

Su is bahi, kenà iyan sikandin teg̵ig̵aked te lawa zin, kekenà, iyan is esawa zin. Ne iring din ded daan, is maama, ne kenà iyan sikandin teg̵ig̵aked te lawa zin su iyan is esawa zin.