Mateo 5:30 - Manobo Western Bukidnon

³⁰ Emun iyan nu igkepenulayi is kewanan he velad nu ne tempeza nu wey itimbag. Meupiya pa ke wazè nu velad, kenà ke igkeagbur te Impirnu is tivuuk he lawa nu.

Mateo 5:30 Кръстосани препратки

Mateo 13:21

Iyan, kenà egkeheg̵et is kedtuu zan ne kenà egkeug̵et ke egkeumahan sikandan te samuk wey ke kemeresayan be tenged te kedewata zan te Lalag te Megbevayà, edlikù dan diyà te zaan he ulaula zan.

Mateo 16:23

Ne midsinaru si Jesus diyà te ki Pedro is egkag̵i te, “Sikew is ed-iring ki Setanas, awè ka zini te kediey. Egkesanggen a kenikew su wazà diyà te isip nu is egkesuatan te Megbevayà, kekenà, iyan diyà te isip nu is egkesuatan te etew!”

Mateo 17:27

Asal, kenà meupiya he mepauk kenita heini is menge menunukut te ibayad dutun te Valey te Megbevayà. Hendiyè ka te ranew ne pemunuwit ka. Ne zutun te vèbà te pait he egkehuna nu egkeutel, egkeehè nu is selapì. Kuwaa nu haazà is selapì ne ivayad nu kayi te edsukuten kenita he ibayad te Valey te Megbevayà.”

Mateo 18:8

Emun iyan ebpekeawà te kedsarig nu kediey is belad nu, emun kenà, ne paa nu, tempeza nu wey itimbag! Su meupiya pa ke pungkul ka is ebeg̵ayan te untung he wazà pidtemanan, kenà te zezuwa is belad nu wey paa nu he idtimbag ka ziyà te hapuy he wazà pidtemanan.

Mateo 22:13

Ne insug̵ù dutun te hadì te menge sulug̵uen din te, ‘Bekusa niw is menge velad wey paa zin ne itimbag niw sikandin diyà te g̵awas, diyà te merusirem he utew meziyù. Ne zutun sikandin ebpekengingitel ne ebpekekulahì tenged te utew sikandin ebpekedsendit.’ ”

Mateo 25:20

Ne midtelavuk kandin sikan is sulug̵uen din he mibeg̵ayan te lelima he libu he pisus ne indata zin haazà is selapì ragkes sikan is genansya he lelima he libu. Ne ke sikandin te, ‘Mibeg̵ayan a kenikew te lelima he libu he pisus; ne heini zed is genansya he lelima he libu he pisus.’

Mateo 26:31

Ne zutun migkag̵i si Jesus diyà te kandan te, “Is langun te sikiyu, ne edluyahan is kedsarig niw kediey g̵untaan te mezukilem tenged te egkehitavù kedì; su zuen insurat he Lalag te Megbevayà he edhenduen te, ‘Edhimetayan ku is ed-elima te menge kerehidu ne ebpekedsusuwey is menge kerehidu.’

Mateo 5:22

Ne iyan kedì he penurù is: minsan sikan is egkepauk dà te zuma zin, edhukuman daan sikandin te Megbevayà. Ne sikan is edsulà te zuma zin te, ‘Wazè nu pulus he etew!’ ne egkeuwit sikandin diyà te husayen. Ne sikan is edsulaan din is duma zin he egkag̵i te, ‘Tulebung ka he wazè nu pulus,’ ne zait sikandin he egkeuwit diyà te hapuy te Impirnu.

Mateo 5:29

Ne emun iyan nu igkepenulayi is kewanan he mata nu, lug̵ita nu wey itimbag! Meupiya pa ke wazè nu mata, kenà ke igkeagbur ka ziyà te hapuy he Impirnu is tivuuk he lawa nu.

Marcos 9:43

Emun iyan igkeawà te kedsarig nu kedì is belad nu, tempaza nu heini wey itimbag su meupiya pa ke pungkul ka is ebeg̵ayan te untung he wazà pidtemanan kenà te zezuwa is belad nu ne idtimbag ka ziyà te Impirnu he zutun kenà egkeevukan is hapuy.

Lucas 12:5

Egkeg̵iyen ku keniyu ke hentei is engayan he igkehandek niw. Iyan niw ikehandek is Megbevayà su kenè din iyan dà egkepatey is lawa niw su zuen din keg̵ehem he ebpeketimbag te g̵imukud niw ziyà te Impirnu. Uya, iyan niw sikandin ikehandek!”

Lucas 17:2

Meupiya pa ziyà te kandin ke idhiket diyà te lieg din is dekelà he g̵elingan he vatu ne id-agbur ziyà te lawed te zag̵at, kenà is silut kandin emun pinaag̵i kandin egkeawà is kedsarig te minsan sevaha zà kayi te menge vatà.

Ruma 9:33

Su zuen insurat he Lalag te Megbevayà he edhenduen te, “Duen idsavuk ku he vatu ziyà te inged te menge Hudiyu he Siyun. Egkesipà heini te menge etew ne ebpekeurambak dan, iyan, ke zuen edsarig kayi te vatu, kenè en ebkepeel-elezan.”

1 Kurintu 8:13

Ne emun egkehimu he egkepenulayan is duma ku he tumutuu pinaag̵i te kegkaan ku te usa, ne kenà ad maan te minsan keenu egkaan te usa.

Gelasya 5:11

Menge suled, duen egkag̵i he wazè ku pa engkezi is penurù he kinahanglan he ebpesirkunsidar ki, iyan, emun tutuu heini, maan is kenà a ed-engkezan te ebpesipala te menge zuma ku he Hudiyu? Su emun ibpenurù ku he kinahanglan is kebpesirkunsidar, ne kenè dan egkepauk kediey minsan ke elin ku pa ibpenurù is kebpehimatey ni Jesus he elili kenitew.

1 Pedro 2:8

Ne zuen daan tagnà he netuman he edhenduen te, “Iyan haazà sikan is batu he nesipà te menge etew; iyan haazà nekeseligkat kandan.” Wazè dan medtuu te Lalag te Megbevayà ne tenged dutun, sumalà is netagnà, nekeurambak sikandan su iyan imbanglis te Megbevayà dutun te kenà edtuu.