Mateo 5:26 - Manobo Western Bukidnon

²⁶ Ne kenà duwazuwa he zutun ka ebpekeubpà taman te egkeg̵empusan nu is multa kenikew.

Mateo 5:26 Кръстосани препратки

Mateo 10:29

Egkepemasa ta is dezuwa he zezeisey he tagbis te sengesintabus dà su utew minus is bali zan. Ne minsan pa zutun wazà minsan sevaha kandan he ebpatey ne egkeulug diyà te tanà emun kenà egkesuatan te Amey tew he Megbevayà.

Mateo 18:34

Ne utew nererengiti haazà is hadì ne impepirisu zin haazà is etew su edsilutan taman te kenè pa sikandin ebpekevayad dutun te langun he neutang din.

Mateo 25:41

Ne zutun ekeg̵iyan ku is menge etew he ziyà te zapit te egkeg̵ivang ku te, ‘Sikiyu is midrewakan te Amey ku he Megbevayà, awè kew kayi! Su zutun kew te regreg he wazè din pidtemanan he integ̵ana he zaan ki Setanas he iyan idsilut kandin duma te menge velinsug̵uen din!

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Marcos 12:42

Ne nekeuma zutun is balu he vahi he utew egkeayuayu. Ne inhalad din is dezuwa he selapì he tumbag̵a he utew zeisey is bali zin.

Lucas 12:58

Penenglitan duen etew he idsumbung kew zin, ne ed-uwiten kew zin diyà te hukmanan. Himuwa niw is taman te egkehimu niw su wey kew kandin mebpekidhusey te kenè kew pa ebpekeetuvang te huwis. Su emun ebpekeetuvang kew en te huwis, kela ke izata kew zin diyà te pulis ne egkepirisu kew.

Lucas 12:59

Ne zutun kew ebpekeubpà taman te kenè niw pa egkeg̵empusan is multa keniyu.”

Lucas 16:26

Ne ikezuwa zin daan ne kawangkawang heini is pid-eletan tew. Ne wazà ebpekelayun dini he ebpuun diyan; ne iring din ded daan dini te kenami su wazà ebpekelayun pehendiyan he ebpuun dini.’

2 Tiselunika 1:9

Iyan silut din kandan is kemetayen he wazà pidtemanan. Egkesuwey zan is Nengazen wey is mekeg̵eg̵ehem he anlag din.

Santiago 2:13

Su is Megbevayà, kenè din keuzemà egkehizuwan is etew he wazè din hizu te zuma zin. Iyan, is etew mulà he hihizuwen, wazà kinahanglan he egkehandek sikandin su kenà sikandin edsilutan te Megbevayà.