Mateo 5:24 - Manobo Western Bukidnon

²⁴ itag̵ak nu zè pa haazà is ibpemuhat nu ne beyai nu haazà is duma nu wey kew medhusey. Ne zutun ke ebpeked-uliey kew en te meupiya he g̵ehinawa, likù ka human ne leusa nu haazà is kebpemuhat nu ziyà te Megbevayà.

Mateo 5:24 Кръстосани препратки

Mateo 23:23

Kehizu niw te menge menunudlù te kesug̵uan wey sikiyu is menge Perisiyu, su tarù is kedtuu niw te Megbevayà! Ibeg̵ey niw te Megbevayà is ikepulù he vahin minsan te menge perehemut te egkeenen iring te yirbebuyna, anis, wey kuminu, iyan, kenè niw edtumanen is menge lavew pa he sug̵ù iring te ked-ula-ula te metazeng, kegkehizu te zuma niw, wey kedtumana niw te menge penaad niw. Kinahanglan he ibeg̵ey niw is ikepulù, iyan, kenè niw zaan teg̵aka heini is menge lavew pa he sug̵ù.

Mateo 5:23

Umba ke ziyè ke en te lama te Valey te Megbevayà su ebpemuhat ka ziyà te Megbevayà ne egketenuzan nu he zuen salè nu te zuma nu,

Marcos 9:50

Ne kenà duen dà taman su meupiya is timus su ibmetaam te egkeenen, iyan, ke egkeawà duen te timus is taam din, wazè en paag̵i he ebpekelikù pa ebpekeuman is taam din. Ne iring din ded daan kinahanglan he iring te timus is menge ulaula niw wey kew mehimu he ibmeupiya te menge etew ne kinahanglan he mebmelinawen is kedepitè niw te kada sevaha keniyu.”

1 Kurintu 11:28

Ne tenged dutun kinahanglan he susiya te kada sevaha is kandin he g̵ehinawa ke tutuu ve is kedsarig din te kebpatey ni Jesus ne human egkehimu he egkaan wey ed-inum sikandin.

1 Timoteo 2:8

Ne tenged kayi, is menge maama ziyà te langun he menge inged he meheg̵et is ked-engkezi zan te mezaat he ulaula, egkesuatan ku he med-ampù dan diyà te Megbevayà. Kinahanglan he wazà pauk dan te menge zuma zan wey wazè dan keduwazuwa.

Santiago 5:16

Ne tenged dutun kinahanglan he petudtudtulè kew te menge salè niw su wey iampù te kada sevaha is duma zin ne wey meulii is egkengezeruwan. Utew mekeg̵eg̵ehem is ked-ampù te metazeng he etew.