Mateo 5:19 - Manobo Western Bukidnon

¹⁹ Umba ke zuen minsan hentei he edlegkawen din is minsan utew zà deisey zuen te kesug̵uan ne ibpenurù din te zuma zin he kenà tumana haazà is midlagkew zin, iyan sikandin utew minus is pid-etawan din ke edhadì is Megbevayà he ziyà te langit. Ne iring din daan ke zuen etew he edtumanen din ebpurungi is kesug̵uan ne ibpenurù din diyà te zuma is kedtumana kayi, iyan sikandin lavew te langun he etew ke edhadì keuzemà is Megbevayà.

Mateo 5:19 Кръстосани препратки

Mateo 11:11

Ne mid-uman megkag̵i si Jesus te, “Tentenuzi niw he si Juan Megbebewtismu, wazè pa etew he nekelavew kandin, iyan, ke edhadì keuzemà is Megbevayà he ziyà te langit, is minsan hentei he etew zutun he ebpezumazuma te Megbevayà, minsan utew minus is pid-etawan din, ne lavew pa kenà si Juan guntaan.

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 20:26

Iyan, sikiyu mulà, kenà egkehimu is iring kayi ziyan te keniyu. Su ke zuen sevaha keniyu he egkesuat he mekelavew, kinahanglan he sulug̵uen sikandin te langun he menge zuma zin;

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Lucas 1:15

su utew zekelà is pid-etawan din sumalà is ked-isipa kandin te Nengazen. Kenà sikandin ed-inum te vinu wey minsan hengkey he ebpekelangut. Ne puun dà dutun te kenè pa sikandin id-anak egkepurung sikandin egkeulini te Wag̵as he Mulin-ulin.

Lucas 11:42

Kehizu niw te menge Perisiyu su ibeg̵ey niw te Megbevayà is ikepulù he vahin minsan te menge perehemut te egkeenen iring te yirbebuyna wey vawing wey is langun he menge edlumbayen, iyan, is metazeng he ulaula wey is kebmahala niw te Megbevayà diyà te g̵ehinawa niw, ne wazè niw isipa. Kinahanglan he iveg̵ey niw is ikepulù, iyan, kenè niw zaan ipeliyu heini is menge lavew pa he sug̵ù.

Lucas 9:48

ne ke sikandin te, “Is etew he tenged te kedtuu zin kedì, edewaten din ne ebpurungan din heini is deisek he vatà, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedì. Su is minsan hentei keniyu he ebpevayàbayà te menge zuma zin, iyan sikandin tutuu he lavew keniyu.”

Nengeulaula 1:1

Minahal he suled ku he Teofilo: Diyà te nehuna he kegug̵uzi ku kenikew, insurat ku is langun he mibeelan wey is langun he impenurù ni Jesus egenat dà dutun te aney en sikandin mebpenurù

Ruma 3:8

Ne zuen menge etew he egkag̵i he iring kayi is ibpenurù ku, iyan, kenè ku edewaten is menge ketezengan he iring kayi su ibpesavut dan he meupiya is ked-ulaula te mezaat emun pinaag̵i zutun egkehimu is meupiya. Is menge etew he iring kayi is ibpenurù dan, utew metazeng is kedsiluti kandan te Megbevayà.

Ruma 6:1

Tutuu iyan he ingkeg̵ag̵ew ki en te Megbevayà. Ne tenged kayi zuen buwa etew he ebpekekag̵i he meupiya ke kenè ta ed-engkezan is ked-ulaula te mezaat su wey mekeiseg is kebpaahaa kenita te Megbevayà te g̵ag̵ew zin pinaag̵i te kebpeseyluwa zin kenita.

Ruma 6:15

Ne kunaan buwa te zuma ke tenged te kenè en kinahanglan he tumana te pa is kesug̵uan, wey tenged te ingkeg̵ag̵ew ki te Megbevayà, ne egkehimu he ebpeniguduwan te pa is ked-ulaula ta te mezaat, iyan, kenà iyan haazà egkehimu.

1 Timoteo 6:11

Ne sikew mulà, sulug̵uen ka te Megbevayà; likayi nu is langun he iring kayi he menge ulaula. Hemeni nu is metazeng he ulaula, is kedtumana te egkesuatan te Megbevayà, is kedsarig kandin, is kegkeg̵eg̵awi nu te menge zuma nu, is kebmeinentusen te menge supak dan, wey is kelinew te ulaula nu.

Tito 3:8

Utew tutuu heini is impesavut ku kenikew. Egkesuatan ku he ipurung nu ipenurù heini ziyan su utew hustu wey zekelà is pulus kayi ziyà te minsan hentei. Ne emun nesavut en heini te menge tumutuu te Megbevayà iyan dekelà diyà te g̵ehinawa zan is ked-ul-ulaha zan te meupiya.

1 Pedro 5:4

Ne emun edlikù si Jesus, sikan is lavew he ed-elima te menge kerehidu te Megbevayà, duen idsuhul zin keniyu he iyan is kebpekeambit niw te utew zin kegkelavew he kenà egkehanew.

1 Juan 3:4

Ke zuen nekesalà, nesupak din is kesug̵uan te Megbevayà su is ulaula he egngezanan te salà ne iyan is minsan hengkey he ulaula he supak te kesug̵uan te Megbevayà.

Impezayag 2:20

Ne minsan pa zutun, duen ulaula niw he kenè ku egkesuatan su sikan is bahi he si Hisibil he egkeg̵iyen din he ebpeneuven sikandin te Megbevayà, idtug̵ut niw he ibpenurù din is mezaat he ulaula ziyà te menge sulug̵uen ku. Egkag̵i sikandin he kenà supak te Megbevayà is kedhilavet te kenè niw esawa wey is kegkaan te impemuhat diyà te menge kenà tutuu he megbevayà.