Mateo 5:18 - Manobo Western Bukidnon

¹⁸ Su taman te kenè pa egkehanew is langit wey tanà, kenà egkehimu he id-awà is minsan sengetag̵è dà he lalag duen te kesug̵uan. Taman te kenè pa egketuman is langun, kenà daan egkeawà is kesug̵uan. Kenè niw lipati heini.

Mateo 5:18 Кръстосани препратки

Mateo 10:15

Kenè niw lipati heini he lavew pa is idsilut te Megbevayà dutun te inged emun egkeuma keuzemà is andew te kedsilut, kenà te silut din dengan diyà te menge lalung he etew he meg̵inged diyà te inged he Suduma wey te inged he Gumura.

Mateo 10:23

Ne emun ebpesipelahan kew zan diyà te sengeinged, pelag̵uy kew pehendiyà te sevaha he inged. Ne venar is egkeg̵iyen ku keniyu he te kenè niw pa egkepasad is ebpeveelan ku keniyu ziyà te langun he menge inged te nasud he Israyil ne edlikù e en is Kakey te Menusiyà.

Mateo 10:42

Ne kenè niw lipati he ke zuen etew he minsan sengetasa zà he wahig is ibpeinum din te minsan hentei he sumusundan ku, ne iyan ibpeinuma zin dutun is tenged te sumusundan ku haazà is ebpekeinum, ne kenà egkehimu he kenà sikandin edsuhulan te Megbevayà. Ne minsan ke utew minus is pid-etawan dutun te sumusundan he ibpeinum din, kenà egkehimu he kenà sikandin edsuhulan.”

Mateo 11:11

Ne mid-uman megkag̵i si Jesus te, “Tentenuzi niw he si Juan Megbebewtismu, wazè pa etew he nekelavew kandin, iyan, ke edhadì keuzemà is Megbevayà he ziyà te langit, is minsan hentei he etew zutun he ebpezumazuma te Megbevayà, minsan utew minus is pid-etawan din, ne lavew pa kenà si Juan guntaan.

Mateo 13:17

Isipa niw heini he zengan mezakel is ebpeneuven wey menge tumutuu te Megbevayà he egkesuat pezem he meehè dan heini is egkeehè niw wey mezineg dan heini is egkezineg niw en, iyan, wazà itug̵ut kandan.”

Mateo 16:28

Kenè niw heini lipati he zuen menge zuma tew kayi he kenà ebpatey taman te egkeehè e zan is Kakey te Menusiyà he ebpekeuma su edhadì.”

Mateo 17:20

Ne midtavak si Jesus te, “Wazè niw meulii tenged te utew zeisek is kedtuu niw. Tentenuzi niw he ke zuen niw kedtuu, minsan utew zà deisek iring te lisu te mustasa, egkehimu he egkekeg̵iyan niw heini is buvungan he medhalin, ne ebpemineg keniyu. Minsan hengkey, ne egkehimu niw.

Mateo 18:18

Ne egkeg̵iyen ku keniyu he kinahanglan he is idawey niw zini te tanà, indawey en he zaan te Megbevayà he ziyà te langit ne is idtug̵ut niw zini te tanà, intug̵ut en he zaan te Megbevayà he ziyà te langit.

Mateo 18:3

Ne ke si Jesus te, “Kenè niw lipati heini: kinahanglan he ed-ewaan niw ziyà te isip niw is kebpelavew ne iringi niw heini is batà, su nelevawan sikandin te langun. Su emun kenè niw ed-iringan heini, ne kenè kew egkehedian te Megbevayà.

Mateo 19:23

Ne zutun migkag̵i si Jesus diyà te menge sumusundan din te, “Utew mereg̵en te sepian he etew is kebpesakup din te Megbevayà wey mehedii sikandin.

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 21:21

Ne midtavak si Jesus te, “Tipig̵i niw heini ziyà te isip niw he ke edsarig kew te Megbevayà te kenà duwazuwa, egkehimu niw heini is midhimu ku kayi te kayu he igira. Ne kenà kayi zà taman su minsan pa ke ekeg̵iyan niw heeyan is buntud te, ‘Med-awè ka keniyan ne agbur ka ziyà te zag̵at,’ ne ebpemineg̵en kew zin.

Mateo 21:31

Ne ke si Jesus te, “Hentei zutun te zezuwa he telesuled is hustu he neketuman te sug̵ù te Amey zan?” Ne ke sikandan diyà te ki Jesus te, “Iyan haazà is kakey.” Ne ke si Jesus dutun te, “Benar iyan he edhuna keniyu is menge mezaat he etew iring te menge menunukut te vuhis wey is menge vahi he ibpenapì dan is dengeg dan su edewaten sikandan te Megbevayà wey zin mehedii kenà sikiyu.

Mateo 23:36

Egkeg̵iyen ku keniyu he sikiyu is menge etew g̵untaan, elin kew zaan edsilutan tenged te kegkengevunù kayi te langun.”

Mateo 24:2

Ne migkag̵i kandan si Jesus te, “Tengtengi niw heini is langun su egkeg̵iyen ku keniyu he heini is menge vatu he imbevaley zan kayi, wazà minsan sevaha keuzemà he ebpekeuntud diyà te sevaha su egkewag̵ey heeyan is langun.”

Mateo 24:47

Egkeg̵iyen ku keniyu he is sulug̵uen he metinumanen, idsarig kandin is langun he menge azen te egalen din.

Mateo 25:12

Ne midtavak haazà is ebpengesawa te, ‘Kenè ku sikiyu egkekilala.’ ”

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Mateo 25:45

Ne zutun edtavak a is hadì te, ‘Egkeg̵iyen ku keniyu he ke wazè niw tevangi is minsan sevaha kayi te utew minus is pid-etawan din, siak is wazè niw metevangi.’

Mateo 5:26

Ne kenà duwazuwa he zutun ka ebpekeubpà taman te egkeg̵empusan nu is multa kenikew.

Mateo 6:16

Ne emun edsalang kew egkaan su ebpengampù kew ziyà te Megbevayà, kenè niw ipetuusi pinaag̵i te kebuvuked niw iring te menge etew he egkesuat he mezalig sikandan te menge zuma he etew. Edrig̵urig̵u zan, ne kenè dan ebpendapug wey kenè dan ebpenuwat su wey metueni te menge etew he edsalang dan egkaan. Egkeg̵iyen ku keniyu he nezawat dan en is kedelig̵a kandan te menge etew. Ne wazè en duma pa he suhul he egkezawat dan he ebpuun te Megbevayà.

Mateo 6:2

Ne emun duen ibeg̵ey niw ziyà te egkeayuayu kinahanglan he kenà iyan id-ul-ulaha niw zutun su wey mezalig kew te menge etew. Su iyan haazà baal te menge etew he tarù is kedtuu zan. Ed-ul-ulahan dan haazà diyà te menge simbahan wey ziyà te kersada su wey mezalig sikandan te menge etew. Kenè niw lipati he tenged te nezawat dan en is kedelig̵a kandan te menge etew, wazè en egkezawat dan he ebpuun diyà te Megbevayà.

Mateo 8:10

Ne te nezineg ni Jesus heini, ne utew neinuinu ne ke sikandin diyà te menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin.

Marcos 10:15

Benar is egkeg̵iyen ku keniyu he ke zuen etew he kenà iring is kedsarig din te Megbevayà te kedsarig te zeisey he vatà, ne kenà egkehedian haazà is etew te Megbevayà.”

Marcos 10:29

Ne migkag̵i si Jesus te, “Kenè niw lipati he is minsan hentei he mid-ewaan din is baley zin, is menge suled din he vahi wey maama, is iney zin wey amey zin, anak din, wey menge tanè din su edsunud sikandin kediey wey idsangyew zin is Meupiya he Tudtulanen,

Marcos 11:23

Benar is egkeg̵iyen ku keniyu he minsan hentei he egkeg̵iyan din heeyan is buvungan te, ‘Awè ka keniyan ne umpak ka ziyà te zag̵at,’ ne kenà sikandin eduwazuwa, kekenà, neheg̵et diyà te g̵ehinawa zin he egketuman is migkag̵i zin, ne haazà is migkag̵i zin ne egketuman.

Marcos 12:43

Ne zutun mid-umew ni Jesus is menge sumusundan din he med-uvey zan diyà te kandin ne ke sikandin te, “Benar is egkeg̵iyen ku he haazà is balu he vahi, sumalà is ked-isipa te Megbevayà, utew lavew is inhalad din te langun he inhalad kayi te zuma he menge etew.

Marcos 13:30

Tenuzi niw is egkeg̵iyen ku keniyu: he emun egkeehè niw he egkengetuman en heini kenè kew pa egkeamin ebpatey taman te kenè pa egkengetuman heini is langun.

Marcos 14:18

Ne te ziyè dan te lemisahan su kemulu zan pa egkaan, migkag̵i si Jesus te, “Duen egkeg̵iyen ku keniyu. Iyan is: sevaha keniyu kayi te ebpemengaan guntaan he zuma ku is ed-akal kedì wey a mehimetayi.”

Marcos 14:25

Benar is egkeg̵iyen ku he puun guntaan, ne kenà ad maan ed-inum kayi te vinu taman dutun te timpu keuzemà he ed-iinumè kiw te veg̵u en he vinu emun edhadì is Megbevayà.

Marcos 14:30

Ne ke si Jesus diyà te ki Pedro te, “Benar is egkeg̵iyen ku he te kenè pe kan ed-ukarà is manuk te kezezuwa g̵untaan te mezukilem ne ketetelu ke en ebpekekag̵i he kenà a kenikew egkekilala.”

Marcos 14:9

Tenuzi niw he kenà sikandin egkelipatan. Su minsan hendei idsangyew is Meupiya he Tudtulanen dini te tivuuk he kelibutan, egketudtul zaan heini is mid-ulaula zin kedì.”

Marcos 3:28

Tentenuzi niw heini,” ke si Jesus, “he egkepesaylu pa te Megbevayà is menge etew te minsan hengkey he menge salè dan wey minsan hengkey he kedsumpalit dan kandin,

Marcos 6:11

Ne ke zuen inged he kenè kew zuen igalewg̵alew wey kenè dan ebpemineg̵en is ibpesavut niw, ne tektaka niw is eliyavuk diyà te menge paa niw he iyan lag̵uy he edsilutan sikandan te Megbevayà.”

Marcos 8:12

Ne haazà, inmesakit te g̵ehinawa ni Jesus ne ke sikandin diyà te kandan te, “Sikiyu is menge zuma ku he menge Hudiyu, maan is egkinahanglan kew he mekeehè kew te egkein-inuwan he singyal ne human kew edtuu? Benar utew is egkeg̵iyen ku keniyu he wazà singyal he ibpaahà keniyu.”

Marcos 9:1

Ne zutun migkag̵i si Jesus te, “Tentenuzi niw heini: duen menge zuma tew kayi he kenà ebpatey taman dutun te timpu he ibpaahà te Megbevayà is kedhadì din he utew zekelà is gehem din te kebayàbayà te menusiyà.”

Marcos 9:41

Utew venar is egkeg̵iyen ku keniyu he ke zuen etew he ebeg̵ayan kew zin te minsan sengetasa zà he wahig ne iyan din ibeg̵ayi keniyu is tenged te sumusundan ku sikiyu te mibpilì te Megbevayà, kenà egkehimu he kenà sikandin edsuhulan te Megbevayà tenged dutun te mid-ulaula zin.

Lucas 11:51

puunè pa te kedhimetayi ki Abel pehendiyà te kedhimetayi ki Zacarias he mibunù diyà te pid-elangan te simbahan he Valey te Megbevayà wey vangkù he pemuhatà. Benar is egkeg̵iyen ku he sikiyu is menge etew g̵untaan, elin kew zaan edsilutan tenged kayi!

Lucas 12:37

Utew meupiya is kegeg̵ehinawa zutun te menge sulug̵uen emun ebpekeuma haazà is egalen dan ne zaan dan neendami haazà is kebpekeuma zin. Benar is egkeg̵iyen ku he haazà is egalen dan, ibpepinuu zin sikandan diyà te lemisahan ne iyan sikandin ebpekaan kandan.

Lucas 13:35

Ne g̵untaan, utew mekevulungbulung heini is simbahan niw su mid-iniyug̵an kew en te Megbevayà. Su egkeg̵iyen ku he kenà ad maan keniyu egkeahà taman dutun te timpu keuzemà he ebpekekag̵i kew te, ‘Delig̵a is nekeuma he midsug̵ù te Nengazen.’ ”

Lucas 16:17

Iyan, kenà egkehimu he edhelinen is kesug̵uan he imbilinbilin ni Moises. Egkehanew pa is langit wey tanà, iyan, is minsan deisek dà he ibpenurù te kesug̵uan ne kenà egkehalin.”

Lucas 18:17

Benar is egkeg̵iyen ku keniyu he ke zuen etew he kenà iring is kedsarig din te Megbevayà te kedsarig te zezeisey he vatà, ne kenà egkehedian haazà is etew te Megbevayà.”

Lucas 18:29

Ne ke si Jesus te, “Benar is egkeg̵iyen ku he emun duen etew he mid-ewaan din is baley zin, is esawa zin, is menge suled din, is menge g̵inikanan din, wey is menge anak din su wey zin ikepesavut te menge etew is kedhedii kandan te Megbevayà,

Lucas 23:43

Ne migkag̵i si Jesus diyà te kandin te, “Benar heini is egkeg̵iyen ku kenikew he g̵untaan dà ebpezumehè ki zutun te inged te edtulusen.”

Lucas 4:24

Iyan,” ke si Jesus, “utew venar is egkeg̵iyen he is ebpeneuven te Megbevayà, kenà sikandin ebpemineg̵en te menge etew ziyà te keugelingen din he inged.

Juan 1:51

Ne mid-uman si Jesus megkag̵i kandin te, “Benar is egkeg̵iyen ku kenikew he egkeehè niw keuzemà is langit he egkepuwasan ne siak is Kakey te Menusiyà, duen egkengeehè niw he menge velinsug̵uen te Megbevayà he ebpememenahik wey ebpemenaug diyà te etuvangan ku.”

Juan 10:1

Ne impenurù ni Jesus is sempità, ke sikandin te, “Utew venar is egkeg̵iyen ku he ke zuen etew he edseled te tudil te menge kerehidu ne kenà diyà ebayà te g̵emawan su ziyà ebayà te selakew en he ibayà, ne haazà he etew, tekawen wey tulisan.

Juan 10:7

Umba, migkag̵i en maan diyà te kandan te, “Utew venar is egkeg̵iyen ku keniyu he iring a te g̵emawan te tudil te menge kerehidu.

Juan 12:24

Utew venar is egkeg̵iyen ku keniyu he emun kenà idleveng is benì diyà te tanà, kenà egkevuwad. Ne emun igkeleveng en ne edtuvù; ne ebeg̵as te mezakel. Iring din ded daan kedì, su emun ebpatey a ne mezakel is egkeveg̵ayan te veg̵u en he untung.

Juan 13:16

Utew venar is egkeg̵iyen ku keniyu he is sulug̵uen, kenà lavew sikandin te egalen din, ne is sug̵ù daan, kenà sikandin lavew te midsug̵ù kandin.

Juan 13:38

Ne midtavak si Jesus te, “Ebpehimatey ke ve tenged kediey? Benar iyan is egkeg̵iyen ku kenikew he te kenè pe kan ebpengukarà is manuk ne ketetelu ke en ebpekekag̵i he kenà a kenikew egkekilala.”

Juan 14:12

Utew venar is egkeg̵iyen ku keniyu he ke zuen edtuu kediey, egkehimu zin is nengeveelan ku, asal lavew pa he mekeg̵eg̵ehem is egkeveelan din tenged te ed-ulì a ziyà te Amey ku he Megbevayà.

Juan 16:20

Utew venar is egkeg̵iyen ku keniyu he is menge kuntada ku, igkelipey zan utew is egkehitavù kedi, iyan, sikiyu, ebpekesineg̵ew kew su egkeseeng kew. Iyan, egkeilisan is kegkeseeng niw te zekelà he kelipey.

Juan 16:23

Ne zutun he andew wazè en kinahanglan he zuen id-insè niw kediey. Utew venar is egkeg̵iyen ku keniyu he ke zuen minsan hengkey he ebuyuen niw ziyà te Amey ku, ibeg̵ey zin keniyu tenged te kedtuu niw kediey.

Juan 21:18

Utew venar is egkeg̵iyen ku kenikew he zengan hein menguhed ke pa iyan ka mibakes te lawa nu ne sumalà ke hendei is egkesuatan nu ne zutun ka ebpevayà. Iyan, ke meg̵urang ke en ebpekererepa ka ne selakew he etew is ebagkes te lawa nu ne ed-uwiten ka zutun te kenè nu egkesuatan.”

Juan 3:11

Kenè nu lipati he is egkeg̵iyen dey, kenà tarù. Netuenan dey he tutuu is ibpesavut dey su neehè dey en, iyan, kenè niw mulà edtuuwan is egkeg̵iyen dey.

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

Juan 5:19

Ne zutun midtavak si Jesus te, “Utew venar is egkeg̵iyen ku keniyu he siak is Anak te Megbevayà, wazà egkehimu ku te kediey zà duen he g̵ehem; iyan dà edhimuwen ku is egkeehè ku he edhimuwen te Amey ku. Is ebeelan din, iyan daan ebeelan ku.

Juan 6:26

Ne midtavak si Jesus te, “Benar is egkeg̵iyen ku keniyu he, umba ebpen-ahaan a keniyu kenà tenged te tutuu is kedsavut niw te menge egkein-inuwan he nengeehè niw, kekenà, tenged te nengehantey is getek niw te supas he nekaan niw g̵evii.

Juan 6:32

Ne midtavak dutun si Jesus te, “Benar is egkeg̵iyen ku keniyu, kenà iyan si Moises nekeveg̵ey te egkeenen he nengeulug he ebpuun te langit, kekenà, iyan is Amey ku he Megbevayà. Ne is tutuu he egkeenen he ebpuun te langit, ibeg̵ey keniyu te Amey ku.

Juan 6:47

Utew venar is egkeg̵iyen ku he is etew he edtuu kediey, naangken din en is untung he wazà pidtemanan.

Juan 6:53

Ne migkag̵i si Jesus te, “Utew venar is egkeg̵iyen ku keniyu, siak is Kakey te Menusiyà, emun kenè kew egkaan te lawa ku wey emun kenè kew ed-inum te lengesa ku, wazè niw untung he wazà pidtemanan.

Juan 8:34

Ne midtavak si Jesus te, “Utew venar is egkeg̵iyen ku keniyu he is minsan hentei he ebaal te mezaat, uripen iyan sikandin te mezaat he ulaula.

Juan 8:51

Utew venar is egkeg̵iyen ku keniyu he is minsan hentei he edtuman te ibpenurù ku kandin, kenè en ebpekeag̵i te kemetayen!”

Juan 8:58

Ne midtavak si Jesus te, “Utew venar is egkeg̵iyen ku keniyu he te wazè pa ianak si Abraham daan e en.”

1 Pedro 1:25

Iyan, is Lalag te Megbevayà, kenà mulà egkehanew te wazà pidtemanan.” Ne is Lalag te Megbevayà, ne iyan impesavut keniyu.

Impezayag 20:11

Ne zutun neehè ku is dekelà he meputì he pinuuwà te edhadì ne neehè ku zaan is ebpimpinuu zutun. Naawà is langit wey tanà diyà te etuvangan din ne nahanew ne kenè en maan sikandan egkeahà.