Mateo 4:24 - Manobo Western Bukidnon

²⁴ Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 4:24 Кръстосани препратки

Mateo 12:22

Ne zutun duen nemekeuma he menge etew he zuen miduma zan he maama he nelakap wey neemew tenged te midsuukan sikandin te mezaat he mulin-ulin. Ne mibewian haazà ni Jesus ne segugunà nekekag̵i wey nekeahà.

Mateo 14:1

Ne zutun he timpu nezineg ni Hadì Hirudis is tudtul mehitenged te ulaula ni Jesus.

Mateo 15:22

Ne zuen dutun nekeubpà he vahi he tigKenaan. Ne midtelavuk haazà ki Jesus su edhangyù, ke sikandin te, “He Zatù he kevuwazan ni Hadì David, kehizuwi a kenikew su zuen anak ku he vahi he egkerasey utew su edlelungen te mezaat he mulin-ulin.”

Mateo 17:15

Ke sikandin te, “Datù, kehizuwi nu is anak ku. Ebevuyen sikandin ne utew merasey is egkeulaula zin su layun egkeulug diyà te hapuy wey ziyà te wahig.

Mateo 17:18

Ne midawey ni Jesus is mezaat he mulin-ulin he edlalung dutun te vatà ne impeg̵uwè din ne zutundutun neulian haazà is batà.

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Mateo 8:28

Ne nekezunggù dan diyà te zehipag te ranew diyà te tanà he sakup te inged he Gedara. Ne zuen midsinug̵ung ki Jesus dutun he zezuwa he etew he ziyà ebpuun te menge surung te pangpang he penlevengà. Midsuukan haazà is dezuwa te menge mezaat he mulin-ulin he ebpekekaid ne tenged kayi egkengehandek is menge etew he ebayà dutun.

Mateo 8:33

Ne zuen menge etew he ebpemen-elima zutun te menge vavuy, ne nemenhendiyè dan te inged is ebpemelelag̵uy ne midtudtulan dan is menge etew ke hengkey is nehitavù duen te midsuukan te mezaat he mulin-ulin wey kes menge vavuy.

Mateo 8:6

he egkag̵i te, “Datù, diyà te valey ku egkezeruwan is sulug̵uen ku. Minatey is divaluy he lawa zin ne merasey utew is egezamen din.”

Mateo 9:26

Ne nevantug heini is neulaula ziyà te langun he menge siringan he menge inged dutun.

Mateo 9:35

Ne neeneb ni Jesus is langun he menge inged dutun wey menge unayan. Mibpenurù din is menge etew zutun diyà te seled te menge simbahan dan wey impesavut din diyà te kandan is Meupiya he Tudtulanen te keag̵i te kedhadì te Megbevayà. Nengeulian din is menge etew te minsan hengkey he zaru wey ebpenggezamen dan.

Marcos 1:28

Ne pinaag̵i zutun segugunà nekeeneb is bentug̵an ni Jesus diyà te tivuuk he prubinsya he Geliliya.

Marcos 1:32

Ne hein edsanlep en is andew zutun, is langun he egkengezeruwan wey is ebpenlelungen te mezaat he mulin-ulin, mibpen-uwit sikandan te menge etew ziyà te ki Jesus.

Marcos 2:3

Ne zutun, duen nemekeuma he menge etew he ed-uwit te sevaha he etew he minatey is divaluy he lawa zin. Ebintingen haazà is etew te heepat he zuma zin.

Marcos 2:4

Ne kenè dan ebpekeuvey ziyà te ki Jesus tenged te utew mezakel he menge etew he nengeamur-amur zutun. Ne zutun mibudsiyan dan is atep he renged ni Jesus ne hein meluag en haazà is budsi, ne midteyuntun dan diyà te ki Jesus haazà is etew he impehizeg̵à diyà te zuyanè din.

Marcos 2:9

Su hendei zapit is egkehimu te etew zà duen? Iyan be is kebpesaylu te salà kayi te etew he minatey is divaluy he lawa zin, wey ke iyan is kegkeulii kandin wey sikandin mekeenew ne mekuwa zin is duyanè din ne mekehipanew?

Lucas 2:2

Ne iyan en haazà aney en he kedsinsusa te etew hein iyan pa si Sirinyu gubirnedur ziyà te prubinsya he Sirya.

Lucas 4:14

Ne zutun mid-ulì si Jesus diyà te prubinsya he Geliliya ne zekelà diyà te kandin is gehem te Wag̵as he Mulin-ulin. Ne segugunà nekeeneb diyà te langun he menge inged dutun is tudtul mehitenged ki Jesus.

Lucas 4:38

Ne te ked-awà ni Jesus dutun te simbahan, midhendiyà te valey ni Simon. Ne egkezeruwan dutun is enug̵ang he vahi ni Simon ne utew meinit is lawa zin. Ne midhangyù dan ki Jesus he vewii zin haazà is bahi.

Lucas 5:15

Iyan, minsan pa zutun, nekeeneb diyà te meziyù is bentug̵an ni Jesus ne tenged dutun utew mezakel he menge etew is ebpemenhendutun te kandin wey zan mezineg is kebpenurù din ne wey zaan meulii sikandan te menge zaru zan.

Lucas 5:24

Pinaag̵i te kebewii ku g̵untaan kayi te etew, ibpeehè ku keniyu he siak is Kakey te Menusiyà, duen ku keg̵ehem dini te lumpad te kebpesaylu te salà.” Ne zutun migkeg̵iyan din haazà is etew he minatey is divaluy he lawa, ke sikandin te, “Sikew, Mama, enew ka, ne kuwaa nu heeyan is duyanè nu ne ulì ka!”

Lucas 7:17

Ne haazà is tudtul te mid-ulaula ni Jesus, ne segugunà nekeeneb diyà te tivuuk he menge inged te prubinsya he Hudiya wey ziyà te zuma pa he menge inged he nekepeg̵ilid dutun.

Juan 10:21

Ne egkag̵i is duma te, “Emun mid-ulinan sikandin te mezaat he mulin-ulin, kenà iring kayi is kebpenurù din. Is mid-ulinan te mezaat he mulin-ulin, kenà ebpekevawì te lakap!”

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.

Nengeulaula 15:23

Ne impeuwit dan kandan is surat he edhenduen te, “Sikami is menge suled niw he epustul wey ebmeg̵urangen te menge tumutuu he menge Hudiyu kayi, ebpengemusta key keniyu te langun he kenà menge Hudiyu he menge suled dey te kedtuu ziyan te inged he Entiyukya wey ziyan te menge prubinsya he Sirya wey Silisya.

Nengeulaula 15:41

Ne mid-eneb dan is menge prubinsya he Sirya wey Silisya ne midheg̵etan dan is kedtuu te menge tumutuu.

Nengeulaula 28:9

Ne hein netuenan haazà te menge etew, midhendutun is langun he nengezeruwan dutun te pulu ne nengeulian daan sikandan.

Nengeulaula 8:7

Mezakel is nengeulian din he etew he edlelungen te mezaat he mulin-ulin ne nekekulahì is menge mezaat he mulin-ulin te ked-awè dan dutun te edlelungen dan. Ne elin daan nengeulian din is menge piang wey mibpematey is divaluy he lawa.