Mateo 3:4 - Manobo Western Bukidnon

⁴ Ne si Juan, kukumbalà te midhavel he vulvul te kemilyu ne vevakes te lundis he neg̵angu. Ne terapan dà wey teneb is keuyag̵an din.

Mateo 3:4 Кръстосани препратки

Mateo 11:18

Su hein neehè niw si Juan is edsalang egkaan ne kenà daan ed-inum te vinu, ne migkag̵i niw he midsuukan sikandin te mezaat he mulin-ulin.

Mateo 11:8

Midhilesung niw ve is etew he utew meupiya is bisti zin? Kenà daan, su is menge etew he iring dutun, diyè dà egkaahà te turug̵an te hadì.

Marcos 1:6

Ne heini si Juan, kukumbalà te midhavel he vulvul te kemilyu ne vevakes te lundis he neg̵angu. Ne is keuyag̵an din ne terapan wey teneb.

Lucas 1:17

Heini is anak nu, edsug̵uen sikandin he ibpehuna te kebpekeuma te Nengazen ne ed-ulinan sikandin te Wag̵as he Mulin-ulin iring te ked-ulini zengan te Megbevayà te ebpeneuven he si Elias. Ne is gehem din, ne iyan ded sikan is gehem ni Elias dengan. Ne pinaag̵i te menge penurù kayi te anak nu egkehimu zutun he ebpeked-uuliey te meupiya he g̵ehinawa is menge amey wey te menge anak dan. Is menge etew he wazà mebpezumazuma te menge sug̵ù te Megbevayà, pinaag̵i te penurù kayi te anak nu ebpekedsendit dan ne zutun metazeng human is ed-isipen dan. Ne pinaag̵i kandin mezakel he menge etew is ed-endaman dan is kebpekeuma te Nengazen,” lalag te velinsug̵uen.

Impezayag 11:3

Ne edsug̵uen ku zutun is dezuwa he ibpewali ku. Egkukumbalà sikandan te manggad he saku ne ebpenudtulen dan is ibpekag̵i kandan te Megbevayà seled te nengkelibu wey zezuwa he g̵atus wey keneman he andew.”