Mateo 28:7 - Manobo Western Bukidnon

⁷ Ne g̵ègaani niw veyai is duma he menge sumusundan din. Ne keg̵iya niw ziyà te kandan he nevanhew en sikandin ne edhuna keniyu ziyà te Geliliya ne ziyè niw sikandin egkeuma. Ne kenè niw lipati heini is migkag̵i ku keniyu,” ke sikandin.

Mateo 28:7 Кръстосани препратки

Mateo 24:25

Kenè niw heini lipati su mibpetizeenan ku sikiyu he zaan.

Mateo 26:32

Iyan, emun egkevanhew ad, edhuna a keniyu ziyà te prubinsya he Geliliya.”

Mateo 28:10

“Kenè kew egkehandek,” ke si Jesus, “beyai niw is menge suled ku ne keg̵iyi niw he medhendiyè dan te Geliliya ne ziyè e zan egkeuma,” ke sikandin.

Mateo 28:8

Ne zutun, migaanggaan haazà is menge vahi med-awà dutun te surung. Nengehandek dan, iyan, nepenù is gehinawa zan te kelipey. Ne ebpelelag̵uy zan su ibpenudtul zan diyà te menge sumusundan he zuma.

Marcos 14:28

Iyan,” ke si Jesus, “dutun te kegkevanhew ku, edhuna a keniyu ziyà te prubinsya he Geliliya.”

Marcos 16:10

Ne heini si Maria, mibeyaan din is menge sumusundan ni Jesus. Ebpemenineg̵ew he egkengeseeng haazà is menge sumusundan ni Jesus tenged te kedhimetayi ki Jesus.

Marcos 16:13

Ne midlikù dan diyà te Hiruselim ne mibpenudtulan dan is menge zuma zan he neehè dan si Jesus, iyan, minsan pa zutun wazà medtuu is menge zuma zan.

Lucas 24:34

Ne iyan ingketig̵um dan su ebpetudtudtulè dan he egkag̵i te, “Benar ves iyan he nevanhew is Nengazen su mibpaahà ki Pedro.”

Juan 14:29

Ne te wazè pa meuma is ked-ewai ku keniyu, migkag̵i ku en keniyu heini he zaan su emun egkeulaula en, ebpeketuu kew he iyan a sikan is hadì he mibpilì te Megbevayà.

Juan 16:4

Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.

1 Kurintu 15:4

Impesavut ku zaan he inleveng sikandin ne seled te tetelu he andew zutun nevanhew sikandin. Impesavut daan heini zengan te insurat he Lalag te Megbevayà.

1 Kurintu 15:6

Ne zutun mibpaahà daan sikandin te subra he lelima he g̵atus he nengetig̵um he menge sumusundan din. Ne kemulu pa uuyag guntaan is kezekelan kayi ne is duma nemematey en.