Mateo 28:2 - Manobo Western Bukidnon

² Ne zutun netekewtekew medlinug te utew mezesen. Ne zuen ebpuun diyà te langit he velinsug̵uen te Nengazen. Ne mibpenaug haazà ne in-awè din kes batu he inlekeb dutun te surung ne mid-untuzan din.

Mateo 28:2 Кръстосани препратки

Mateo 27:60

Ne zuen surung he penlevengà ni Jose he sikan pa mepasad he ingkalut diyà te kelendig̵an te pag̵ang. Ne zutun iseled ni Jose is lawa ni Jesus. Ne midlekevan din haazà is surung te zekelà he vatu ne mid-ewaan din.

Mateo 27:66

Ne mibeyaan dan haazà ne midtuusan dan sikan is inlekeb he vatu zutun wey metuusi zan ke edwelengen te minsan hentei. Ne intag̵ak dan haazà is menge sundaru zutun he ibpevantey zan.

Juan 20:1

Ne zutun te egkerkeriwaswas en te andew he Duminggu, midhendutun te surung he penlevengà si Maria Megdelina te kemulu pa merusirem. Neehè din he naawà kes batu he inlekeb dutun te g̵emawan te surung.

Nengeulaula 16:26

Ne zutun midtik-ew medlinug te utew mezesen ne nepurung mehuyung haazà is pirisuwan. Ne segugunà nepuwas is menge lekeb dutun te pirisuwan ne nengetangtang is menge pusas te langun he menge pirisu.

Nengeulaula 5:19

Ne zutun te mezukilem, netekewtekew puwasi te velinsug̵uen te Nengazen haazà is pirisuwan ne impaawè din dutun is menge epustul

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.

1 Pedro 1:12

Impezayag kandan te Megbevayà he kenà kandan he ibmeupiya haazà is netagnè dan dutun, kekenà, kenitew g̵untaan. Ne g̵untaan impesavut en keniyu is tutuu mehitenged dutun te netagnè dan. Duen menge etew he midsug̵ù te Megbevayà su wey zan metudtul keniyu is Meupiya he Tudtulanen. Mid-ulinan sikandan te Wag̵as he Mulin-ulin he midsug̵ù te Megbevayà. Ne heini is impesavut dan keniyu, minsan is menge velinsug̵uen te Megbevayà ziyà te langit, egkesuatan dan he mesavut dan heini.

Impezayag 11:19

Ne ziyà te langit mibpuwasan is simbahan he Valey te Megbevayà ne naahà dutun te seled is kavan he midteg̵uan duen te insurat he menge pesarig te Megbevayà. Ne zutun neserasab is kilat, ne zuen utew memezag̵ing, ne mibpemeransì, ne midlinug, ne mibpenggiyew te utew zezekelà.