Mateo 27:66 - Manobo Western Bukidnon

⁶⁶ Ne mibeyaan dan haazà ne midtuusan dan sikan is inlekeb he vatu zutun wey metuusi zan ke edwelengen te minsan hentei. Ne intag̵ak dan haazà is menge sundaru zutun he ibpevantey zan.

Mateo 27:66 Кръстосани препратки

Mateo 27:60

Ne zuen surung he penlevengà ni Jose he sikan pa mepasad he ingkalut diyà te kelendig̵an te pag̵ang. Ne zutun iseled ni Jose is lawa ni Jesus. Ne midlekevan din haazà is surung te zekelà he vatu ne mid-ewaan din.

Mateo 27:65

Ne midtavak si Pilatu te, “Egkehimu. Dumaha niw pehendutun is menge sundaru, ne purungi niw peventayi haazà is surung.”

Mateo 28:11

Ne hein neipus haazà is menge vahi, migenat daan is duma zutun te menge sundaru he impevantey zutun te surung. Midhendiyè dan te inged ne midtudtul zan ziyà te menge punuan he memumuhat is langun he neulaula.

Mateo 28:2

Ne zutun netekewtekew medlinug te utew mezesen. Ne zuen ebpuun diyà te langit he velinsug̵uen te Nengazen. Ne mibpenaug haazà ne in-awè din kes batu he inlekeb dutun te surung ne mid-untuzan din.

Marcos 16:4

Iyan, hein midlingehè dan, neehè dan he nelilid en sikan is batu zutun he utew zekelà.

Juan 20:1

Ne zutun te egkerkeriwaswas en te andew he Duminggu, midhendutun te surung he penlevengà si Maria Megdelina te kemulu pa merusirem. Neehè din he naawà kes batu he inlekeb dutun te g̵emawan te surung.

2 Timoteo 2:19

Ne minsan pa zutun kenà egkehalin kes tuluuwen he midtukud te Megbevayà su zuen insurat he Lalag te Megbevayà he edhenduen te, “Egketuenan te Nengazen ke hentei is menge etew he g̵aked din,” wey zuen pa zaan lalag he edhenduen te, “Is minsan hentei he egkag̵i he g̵aked sikandin te Nengazen, ne kinahanglan he ed-iniyug̵an din is mezaat he ulaula.”

Impezayag 20:3

Ne intimbag din si Setanas diyà te vitu he wazà pidtemanan te kezalem din. Ne migkendeduwan din ne midtuusan din su wey kenà mepuwasi. Umba mibeelan haazà su wey kenà meekali ni Setanas is menge etew te menge g̵inhedian dini te lumpad taman te kenè pa egketapus is nengkelibu he tuig. Ne emun egketapus haazà is nengkelibu he tuig, ibpaawè dè pa si Setanas te meg̵aan dà utew he timpu.