Mateo 27:54 - Manobo Western Bukidnon

⁵⁴ Sikan is menge sundaru wey sikan is kepitan dan he mibantey ki Jesus, hein midtik-ew medlinug wey hein nengeehè dan is duma pa he nengehitavù dutun ne nengehandek dan. Ke sikandan te, “Tutuu ves iyan he Anak sikandin te Megbevayà!” egkag̵i zan.

Mateo 27:54 Кръстосани препратки

Mateo 26:63

Ne wazà medtavak si Jesus. Ne mid-uman megkag̵i haazà is lavew he memumuhat te, “Tangdù ka su kayi ka te etuvangan te Megbevayà he wazè din kemetayen. Emun iyan ka sikan is Anak te Megbevayà, sikan is mibpilì din he ibpahadì, keg̵iya nu,” ke sikandin.

Mateo 27:36

Ne te kegkepasad dan dutun mibpinuu zan su ed-ahaan dan sikandin ke egkemenumenu.

Mateo 27:40

Ke sikandan te, “Na! Kunaan nu ke egkeg̵evè nu sikan is simbahan he Valey te Megbevayà ne egkevangun nu te seled te tetelu he andew. Libriya nu kun is keugelingen nu. Emun tutuu ka he Anak te Megbevayà, penaug ka keniyan te krus.”

Mateo 27:43

Edsarig kun sikandin te Megbevayà ne egkeg̵iyen din daan he Anak sikandin te Megbevayà. Ed-ahaan ta g̵untaan ke edlibriyen sikandin te Megbevayà ke tutuu he igkesuat sikandin te Megbevayà,” ke sikandan.

Mateo 27:51

Ne zutundutun, is manggad he utew mekepal he ingkurtina ziyà te seled te simbahan he Valey te Megbevayà, neliwazà mevindas puun te zivavew pehendiyà te zizalem. Ne midlinug ne mibpemeka is dezekelà he vatu.

Mateo 4:3

Ne zutun mid-uvayan ni Setanas si Jesus ne mibpenuley zin he egkag̵i te, “Emun tutuu iyan he Anak ka te Megbevayà pengelinteuwi nu he mevaluy he egkeenen heini is menge vatu.”

Mateo 8:5

Ne zutun midhendiyà si Jesus te inged he Kepirnaum. Ne te kedseled din dutun te inged, duen etew he kenà Hudiyu he kepitan te nenggatus he sundaru he mid-uvey ki Jesus

Marcos 15:39

Ne is egalen dutun te menge sundaru he edhithitindeg dutun te egkesineruwan ni Jesus, hein neehè din haazà is kegkevidtawi ni Jesus, ke sikandin te, “Benar he Anak heini te Megbevayà!”

Lucas 22:70

Ne migkag̵i zan is langun te, “Ne emun iyan heeyan lalag nu ne hentei ke ve? Anak ke ve te Megbevayà?” Ne midtavak si Jesus te, “Uya, iyan is migkag̵i niw.”

Juan 19:7

Ne migkag̵i ziyà te kandin haazà is menge Hudiyu te, “Sumalà te kesug̵uan dey, kinahanglan he edhimetayan heini he etew su midsupak din is kesug̵uan su migkag̵i zin he iyan sikandin sikan is Anak te Megbevayà.”

Nengeulaula 10:1

Ne ziyà te inged he Sisarya zuen etew he kenà Hudiyu he egngezanan ki Cornelio. Kepitan sikandin te kumpeniya te menge sundaru he Rumanu, sikan is migngezanan te kumpeniya te menge tig-Italya.

Nengeulaula 2:37

Ne hein nezineg haazà te menge etew utew zan nekedsendit. Ne ke sikandan diyà te ki Pedro wey te menge zuma zin he epustul te, “Menge suled, ebmenumenu key?”

Nengeulaula 21:32

Ne is kepitan duma is menge sundaru, migaanggaan dan is edhendutun te nengevurun he menge etew. Ne hein naahà te menge etew haazà is kepitan wey menge sundaru, mid-engkezan dan te ebpemug̵el si Pablo.

Nengeulaula 23:17

Ne si Pablo, mid-umew zin is sundaru ne ke sikandin te, “Dumaha nu heini is kenakan diyà te kepitan su zuen egkeg̵iyen din kandin.”

Nengeulaula 23:23

Ne haazà is kepitan, mid-umew zin is dezuwa he sinerig̵an din ne ke sikandin te, “Ipaandam niw is dezuwa he g̵atus he sundaru su edsug̵uen ku sikiyu ziyà te inged he Sisarya. Ipezuma zaan is kepituwan pa he egkukudà wey is dezuwa pa he g̵atus he ebevangkew. Kinahanglan he ipaandam niw sikandan taman te alas nuwibi kan te mezukilem su iyan kegenat niw.

Nengeulaula 27:1

Ne hein neisip dan he ibpeuntud key en te barku su ibpeuwit key ziyà te Italya, impalad dan si Pablo wey is duma pa he pirisu ziyà te ki Julio. Si Julio, serhintu sikandin te kumpeniya te sundaru he egngezanan te Kumpeniya te Lavew he Hadì.

Nengeulaula 27:43

Iyan, is serhintu, kenè din egkesuatan he mehimetayi si Pablo ne wazè din itug̵ut he mehimetayi sikandan. Insug̵ù din he med-agbur is metau he ed-emparas wey mekeg̵aun,

Ruma 1:4

Ne is Nengazen tew he si Jesu Kristu, wag̵as sikandin he Megbevayà su anak daan sikandin te Megbevayà su impaahà heini kenitew pinaag̵i te zekelà he g̵ehem te Megbevayà he iyan imbanhew kandin.

Impezayag 11:13

Ne segugunà midlinug te utew mezesen. Ne nengerundus is ikesepulù he vahin te menge valey zutun te inged. Ne neg̵erà zutun te linug is pitu he libu he menge etew. Ne utew nengehandek dutun is menge etew he naawas dutun te linug ne midalig dan is mekeg̵eg̵ehem he Megbevayà he ziyà te langit.