Mateo 27:52 - Manobo Western Bukidnon

⁵² Ne zuen menge surung he penlevengà he zutun nengepuwasan, ne nengevanhew is mezakel he menge tumutuu te Megbevayà,

Mateo 27:52 Кръстосани препратки

Juan 11:11

Ne mid-uman megkag̵i si Jesus te, “Nekelipezeng en is emig̵u tew he si Lazaro. Umba edhendiyà a te kandin su wey ku sikandin mepukew.”

Nengeulaula 7:60

Ne zutun nekeluhud ne mid-uman megkag̵i te, “He Nengazen, kenè nu isipa he idsilut kandan heini is salè dan.” Ne te nekag̵i zin haazà, naawà is gehinawa zin.

1 Kurintu 11:30

Iyan heini hinungdan ke maan is egkezeruwan is mezakel keniyu. Mezakel zaan diyan is menge meluya is lawa zan ne mezakel zaan is nemematey su silut te Megbevayà.

1 Kurintu 15:20

Iyan, tutuu is egkeg̵iyen ku he nevanhew iyan si Kristu. Ne tenged kayi egketuenan tew he tutuu iyan he egkengevanhew zaan keuzemà is menge minatey su nehuna man mevanhew si Kristu.

1 Kurintu 15:51

Pemineg̵a niw heini is daan he in-eles he impesavut kediey te Megbevayà. Duen duma kenitew te menge tumutuu he kenà ebpatey, asal, sikitew is langun, segugunà egkehalin is lawa tew.

1 Tiselunika 4:14

Midtuu kiw he mibpatey si Jesus ne nevanhew ne edlikù keuzemà. Iring din daan kes menge tumutuu he minatey en su ebenhawen ne ibpezuma sikandan te Megbevayà ki Jesus keuzemà te kedlikù din.

1 Tiselunika 5:10

Ne minsan ke uuyag kiw pa wey ke minatey kiw en be zutun te kedlikù ni Kristu, duen tew en gihapun untung he wazà pidtemanan duma kandin su iyan heini ketezengan ke maan is mibpehimatey sikandin.