Mateo 27:50 - Manobo Western Bukidnon

⁵⁰ Ne zutun, migkulahì si Jesus med-uman ne naawà is gehinawa zin.

Mateo 27:50 Кръстосани препратки

Mateo 20:28

Su iring te siak, is Kakey te Menusiyà, kenà iyan inhendini ku te kelibutan is wey a metevangi te menge etew, kekenà, wey a meketavang ne wey a zaan mekepehimatey wey ku mevelukasi is mezakel he menge etew.”

Mateo 27:49

Iyan, migkag̵i is menge zuma zutun te etew te, “Pesegdana nu su ed-ahaan ta ke edlepew si Elias su edlibriyen sikandin.”

Marcos 15:37

Ne zutun ingkulahì ni Jesus is utew mezaging he lalag ne nevidtawan ne minatey.

Lucas 23:46

Ne zutun ne migkulahì si Jesus is egkag̵i te, “Amà, ibpeg̵ewezan ku en kenikew is gimukud ku.” Ne iyan dà haazà ne naawà is gehinawa zin.

Juan 10:11

Iyan a sikan is ed-elima te menge kerehidu he utew meelima. Ibelavag ku is untung ku wey kenà mekeizi is menge kerehidu ku.

Juan 19:29

Ne zuen umuy zutun he nepenù te mepezes he inumen. Migkuwa zan is ispungha ne intereb dan dutun, ne midtiyuk dan haazà te zeisek he kayu he egngezanan te hisup, ne indiwalwal ziyà te vèbè ni Jesus.

Juan 19:30

Ne hein nesupsup ni Jesus haazà, migkag̵i te, “Nepasad ku en is langun.” Ne midungul ne zutun minatey.

Hibriyuhanen 2:14

Ne sikitew is menge anak te Megbevayà, menge etew kiw zà duen he zuen din kemetayen. Ne tenged kayi mibpeetew zaan si Jesus wey mehimu sikandin he iring tew. Umba mid-ulaula zin heini su wey mehimu he ebpehimatey sikandin ne wey pinaag̵i te kebpatey zin mezaag din si Setanas he iyan mibayàbayà te kemetayen,

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.

Hibriyuhanen 9:14

Ne emun egkehimu he egkelumpiyuwan haazà pinaag̵i zà te lengesa te menge vaka wey kambing, iyan pe be kenà utew pa lavew is egkelumpiyuwan pinaag̵i te lengesa ni Kristu. Su pinaag̵i te tavang te Wag̵as he Mulin-ulin he wazè din pidtemanan, impemuhat ni Kristu ziyà te Megbevayà is kandin he lawa; ne wazà igkesewayi kandin. Ne pinaag̵i te kebpelisi kenita te lengesa zin, in-awè din is menge salè ta wey is kebpekesarig ta te menge ulaula he wazè dan pulus. Ne tenged kayi ebpekeazap ki en te wazè din kemetayen he Megbevayà.