Mateo 27:40 - Manobo Western Bukidnon

⁴⁰ Ke sikandan te, “Na! Kunaan nu ke egkeg̵evè nu sikan is simbahan he Valey te Megbevayà ne egkevangun nu te seled te tetelu he andew. Libriya nu kun is keugelingen nu. Emun tutuu ka he Anak te Megbevayà, penaug ka keniyan te krus.”

Mateo 27:40 Кръстосани препратки

Mateo 16:4

Sikiyu is menge etew g̵untaan, utew kew mezaat; wazè en diyà te g̵ehinawa niw is kebmahala te Megbevayà! Maan is ed-ehè kew te singyal? Iyan dà singyal he ibpaahà keniyu is iring duen te singyal he neulaula zuen te tipehuna he si Jonas.” Ne zutun mid-ewaan din sikandan.

Mateo 26:61

he egkag̵i te, “migkag̵i heini he etew te, ‘Egkerundus ku is dekelà he simbahan te Megbevayà ne seled te tetelu he andew ne igkepehitindeg ku.’ ”

Mateo 27:41

Ne iring din ded daan is mid-ulaula kandin te menge punuan te memumuhat wey menge menunudlù te kesug̵uan su mibaleyvaley zan sikandin,

Mateo 27:42

ke sikandan te, “Nelibri zin is duma, iyan, is keugelingen din, kenè din egkelibri. Hadì bes sikandin te menge tig-Israyil. Ipepenaug keniyan te krus ne egkesundanan human.

Mateo 27:54

Sikan is menge sundaru wey sikan is kepitan dan he mibantey ki Jesus, hein midtik-ew medlinug wey hein nengeehè dan is duma pa he nengehitavù dutun ne nengehandek dan. Ke sikandan te, “Tutuu ves iyan he Anak sikandin te Megbevayà!” egkag̵i zan.

Mateo 4:3

Ne zutun mid-uvayan ni Setanas si Jesus ne mibpenuley zin he egkag̵i te, “Emun tutuu iyan he Anak ka te Megbevayà pengelinteuwi nu he mevaluy he egkeenen heini is menge vatu.”

Mateo 4:6

Ne migkeg̵iyan din te, “Emun tutuu iyan he Anak ka te Megbevayà, umpak ka su zuen insurat he Lalag te Megbevayà he edhenduen te, ‘Ebpetevangan ka te Megbevayà te menge velinsug̵uen din ne edtemukan ke zan su wey kenà egkerudruzan is minsan paa nu te vatu.’ ”

Lucas 16:31

Ne migkag̵i zutun si Abraham te, ‘Emun kenè dan ebpemineg̵en is menge surat ni Moises wey te ebpemeneuven te Megbevayà dengan, kenè dan daan ebpemineg minsan ke zuen egkevanhew he minatey he edhendiyà te kandan.’ ”

Impezayag 11:10

Utew igkelipey te menge etew is kedhimetayi zutun ne edsilibrahan dan ne ebpevegbeg̵ayà is kada sevaha kandan te menge g̵asa. Umba edsilibrahan dan su haazà is dezuwa he ebpeneuven te Megbevayà, mibeelan dan is ingkengerasey te menge etew ziyà te kelibutan.