Mateo 27:31 - Manobo Western Bukidnon

³¹ Ne hein nepezè dan en he ebaleyvaley kandin midluwasan dan duen te kumbalà he merig̵à ne insun-ud dan kandin is daan he kumbalè din. Ne zutun mid-uwit dan sikandin su idransang dan diyà te krus.

Mateo 27:31 Кръстосани препратки

Mateo 20:19

ne ibpalad e zan daan diyà te menge etew he kenà menge Hudiyu. Ne is menge etew he kenà menge Hudiyu, ne ed-iringen e zan te velvelayen, ebug̵elen e zan, ne idransang e zan te krus su edhimetayan a. Ne seled te tetelu he andew zutun, ebenhawen a te Megbevayà.”

Mateo 21:39

Ne migewezan dan haazà ne intimbag dan diyà te g̵awas dutun te perasan ne midhimetayan dan.”

Mateo 26:2

“Netuenan niw he mekezuwa zà guntaan ne egketuman en sikan is pista he egngezanan te Pista te Kedlevayi. Ne zutun, siak is Kakey te Menusiyà, ibpalad a ziyà te menge etew wey e zan ikeransang te krus,” ke sikandin.

Marcos 15:20

Ne hein nepezè dan en he ebaleyvaley kandin, midluwasan dan duen te kumbalà he merig̵à ne insun-ud dan kandin is daan he kumbalè din. Ne zutun mid-uwit dan sikandin pehendiyà te g̵awas dutun te inged su idransang dan te krus.

Juan 19:16

Ne zutun intug̵ut ni Pilatu he iransang si Jesus diyà te krus. Ne is menge sundaru, mid-uwit dan si Jesus

Juan 19:27

Ne zutun migkeg̵iyan din sikan is sumusundan din te, “Iyan en heeyan iney nu.” Ne puun dà dutun he andew ziyè en med-ubpà is iney ni Jesus te valey zutun te sumusundan ni Jesus.

Nengeulaula 7:58

Ne inggawas dan sikandin puun dutun te inged ne midtuleng dan te vatu. Ne sikan is nemekesumbung kandin, insavuk dan is menge kumbalè dan diyà te uvey te etew he egngezanan ki Seulu.

Hibriyuhanen 13:12

Iring din ded daan is neulaula ki Jesus su midhimetayan sikandin diyà te g̵awas te inged ne nehimu is lengesa zin he ibpalis te menge salè tew te menusiyà.