Mateo 27:26 - Manobo Western Bukidnon

²⁶ Ne zutun midlibri ni Pilatu si Berabas. Ne impevug̵el zin si Jesus ne insug̵ù din te menge sundaru he iransang dan si Jesus diyà te krus.

Mateo 27:26 Кръстосани препратки

Mateo 20:19

ne ibpalad e zan daan diyà te menge etew he kenà menge Hudiyu. Ne is menge etew he kenà menge Hudiyu, ne ed-iringen e zan te velvelayen, ebug̵elen e zan, ne idransang e zan te krus su edhimetayan a. Ne seled te tetelu he andew zutun, ebenhawen a te Megbevayà.”

Marcos 10:34

Ne is menge etew he kenà menge Hudiyu, ed-iringen e zan te velvelayen; ebpengilevan e zan, ne ebug̵elen e zan ne edhimetayan e zan ne seled te iketelu he andew zutun ebenhawen a te Megbevayà.”

Marcos 15:15

Ne zutun midlibri ni Pilatu si Berabas wey zin mepenunuat is gehinawa zutun te menge etew. Ne impevug̵el zin si Jesus ne insug̵ù din te menge sundaru he iransang diyà te krus.

Lucas 23:16

Ne ibpevug̵el ku zà sikandin ne ibpeg̵awas ku en.”

Juan 19:1

Ne zutun insug̵ù ni Pilatu he ipevug̵el si Jesus.

Juan 19:16

Ne zutun intug̵ut ni Pilatu he iransang si Jesus diyà te krus. Ne is menge sundaru, mid-uwit dan si Jesus

1 Pedro 2:24

Iyan si Kristu midsilutan tenged te menge salè tew zutun te kedrensanga kandin diyà te krus. Umba iyan sikandin midsilutan su wey tew meengkezi is menge mezaat he ulaula ne wey tew iyan meulaula is metazeng. Is menge palì din dutun, ne iyan nekevawì kenitew.