Mateo 27:24 - Manobo Western Bukidnon

²⁴ Ne zutun nesavut ni Pilatu he wazè en pulus te menge lalag din su ebpuunè en edsinamuk is menge etew, ne tenged dutun, migkuwa sikandin te wahig ne mibpenlùlù te velad din dutun te etuvangan te menge etew, ne ke sikandin te, “Keniyu he salà heini. Is lengesa kayi te etew, ne ziyè dà te keniyu he velad; lumpiyu is kedì.”

Mateo 27:24 Кръстосани препратки

Mateo 26:5

“Deyzey nasì,” ke sikandan, “ke kenè tew sikandin edekepen dutun te timpu te pista su kela ke edsinamuk is menge etew.”

Mateo 27:19

Ne te kemulu pa si Pilatu ebpimpinuu zutun te valey he ebpenhusayan, nekeuma is surat te esawa zin he egkag̵i te, “Kenè nu hileveti heeyan he etew su wazè din salà. Nerasey a utew g̵eina te mezukilem su mideetan a tenged kandin,” ke sikandin.

Mateo 27:23

Ne ke si Pilatu te, “Maan? Duen be mezaat he mid-ulaula zin?” Iyan, mid-iseg dutun is keg̵urub dutun te menge etew he ebpememensag te, “Iransang te krus!”

Mateo 27:4

“Nekesalà a,” ke sikandin, “su sikan is etew he migkag̵i niw he zait is ulaula zin he igkehimetayi kandin, wazè din salà ne iyan a mibpalad kandin diyan te keniyu.” Ne midtavak dan te, “Wazè dey lavet keniyan; kenikew zà heeyan he samuk.”

Mateo 27:54

Sikan is menge sundaru wey sikan is kepitan dan he mibantey ki Jesus, hein midtik-ew medlinug wey hein nengeehè dan is duma pa he nengehitavù dutun ne nengehandek dan. Ke sikandan te, “Tutuu ves iyan he Anak sikandin te Megbevayà!” egkag̵i zan.

Mateo 27:9

Ne netuman dutun sikan is netagnà dengan te ebpeneuven te Megbevayà he si Jeremias su ke sikandin te, “Nekuwa zan kes ketluan he vuuk he selapì he iyan bali zin he neuyunan te menge etew he kevuwazan ni Israyil.

Juan 13:9

Ne zutun midtavak si Pedro te, “Ne emun iyan heeyan ne kenà iyan dà is paa ku, kekenà, elin nu zaan lùlui is menge velad ku wey ulu ku!”

Juan 19:4

Ne zutun midlawang en maan si Pilatu ne migkeg̵iyan din haazà is menge Hudiyu te, “Ibpelawang ku en maan sikandin dini te etuvangan niw su wey niw metueni he wazè ku naahà he salà he neveelan din.”

Nengeulaula 3:14

iyan, sikiyu, wazè niw mesuati sikandin is wag̵as he wazà kandin he mezaat he ulaula. Midhangyù kew he iyan libriya ni Pilatu kes teremunù he nepirisu.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

1 Pedro 3:18

Kesevaha zà is kebpehimatey ni Kristu wey mepesaylu is menge salè tew. Mibpehimatey su wey mehimu sikandin is metazeng he elili tew te kenà memetazeng wey kiw mehimu he menge g̵aked te Megbevayà. Nepatey is lawa zin, iyan, nevanhew sikandin