Mateo 27:19 - Manobo Western Bukidnon

¹⁹ Ne te kemulu pa si Pilatu ebpimpinuu zutun te valey he ebpenhusayan, nekeuma is surat te esawa zin he egkag̵i te, “Kenè nu hileveti heeyan he etew su wazè din salà. Nerasey a utew g̵eina te mezukilem su mideetan a tenged kandin,” ke sikandin.

Mateo 27:19 Кръстосани препратки

Mateo 1:20

Ne zutun te kemulu zin pa ed-isipa is iring kayi, mibpeteg̵einep kandin is belinsug̵uen te Nengazen. Ne ke sikandin te, “Sikew Jose, is kevuwazan ni Hadì David, kenè ka melenew he ebpengesawa ki Maria su meg̵ingey sikandin pinaag̵i te g̵ehem te Wag̵as he Mulin-ulin.

Mateo 2:19

Ne hein minatey en si Hirudis, mibpeuman mebpeteg̵einep ki Jose is belinsug̵uen te Nengazen he migkag̵i te,

Mateo 2:22

Ne hein netuenan ni Jose he iyan hadì diyà te Hudiya si Ergilau he nekesunud te amey zin he si Hirudis, midlevayan dan is prubinsya he Hudiya su nahandek dan. Ne tenged te mibpeteg̵einep is Megbevayà he edsambag ki Jose, midlaus dan diyà te prubinsya he Geliliya.

Mateo 27:18

Su netuenan ni Pilatu he iyan hinungdan ke maan is insumbung si Jesus te menge punuan is kegkesina zan kandin.

Mateo 27:24

Ne zutun nesavut ni Pilatu he wazè en pulus te menge lalag din su ebpuunè en edsinamuk is menge etew, ne tenged dutun, migkuwa sikandin te wahig ne mibpenlùlù te velad din dutun te etuvangan te menge etew, ne ke sikandin te, “Keniyu he salà heini. Is lengesa kayi te etew, ne ziyè dà te keniyu he velad; lumpiyu is kedì.”

Mateo 27:4

“Nekesalà a,” ke sikandin, “su sikan is etew he migkag̵i niw he zait is ulaula zin he igkehimetayi kandin, wazè din salà ne iyan a mibpalad kandin diyan te keniyu.” Ne midtavak dan te, “Wazè dey lavet keniyan; kenikew zà heeyan he samuk.”

Lucas 23:41

iyan, sikita is dezuwa, ne engayan en he edhimetayan ki su id-ulì dini te kenita is kelelalung ta. Iyan, heini he etew mulà, ne wazè nehimu zin he mezaat.”

Lucas 23:47

Ne zutun, sikan is kepitan te menge sundaru zutun, hein neehè din heini is neulaula ne nekezalig te Megbevayà, ke sikandin te, “Tutuu ves iyan he wazà mezaat he ulaula kayi he etew!”

Juan 19:13

Ne zutun te nezineg haazà ni Pilatu, impelawang din si Jesus ne mibpinuu zutun te pinuuwè din te hukmanan, kes migngezanan dan te Gebata te kineg̵iyan he Hibriyuhanen, ne ke và dà kenitew, midseeg̵an te vatu.

Nengeulaula 12:21

Ne zutun te andew he midtelaan ni Hadì Hirudis, mid-etuvang dan kandin. Insun-ud ni Hirudis is bisti zin te kedhadì ne mibpinuu ziyà te pinuuwè din te kedhadì ne midlelag̵an din sikandan.

Nengeulaula 18:12

Ne hein iyan midhimu si Galyu he gubirnedur te prubinsya he Gerisya, midtig̵um is menge Hudiyu ne midakep dan si Pablo ne impeetuvang dan ki Galyu.

Nengeulaula 18:16

Ne zutun impaawè din sikandan dutun te hukmanan.

Nengeulaula 18:17

Ne is menge kenà Hudiyu zutun, midakep dan si Sustinis, is edumala te simbahan te menge Hudiyu, ne mibpemug̵el zan dutun te uvey te hukmanan. Ne minsan pa zutun wazà itetenged haazà ni Galyu.

Nengeulaula 25:10

Ne midtavak si Pablo te, “Kayi a g̵untaan te hukmanan sumalà is belaud ni Cesar te hadì tew ziyà te Ruma ne iyan heini hustu he ed-imbistigahan kedì. Ne netuenan nu he wazà mezaat he mid-ulaula ku ziyà te menge Hudiyu.

Nengeulaula 25:17

Ne hein midhendini zan te Sisarya wazà a medlanganlangan su hein nepawà dutun, nekepinuu a ziyà te hukmanan ne insug̵ù ku he ipeetuvang sikandin diyà te kedì.

Nengeulaula 25:6

Ne subra zà te sengesimana is ked-ubpà ni Pistu zutun ne midlikù en diyà te Sisarya. Ne hein nepawà mibpinuu zutun te hukmanan ne insug̵ù din he ipeetuvang kandin si Pablo.

1 Pedro 2:22

Wazà minsan hengkey he salà he neveelan ni Kristu. Wazà minsan hengkey he tarù he migkag̵i zin.

1 Juan 2:1

Sikiyu is iring te menge anak ku, iyan ibpesurati ku keniyu is: wey meheg̵eti is kedtuu niw wey kew kenà mekesalà. Iyan, ke zuen ebpekesalà he minsan hentei kenitew, duen datù tew he edtavang kenitew ziyà te etuvangan te Amey tew he Megbevayà. Iyan datù tew si Jesu Kristu he utew metazeng.