Mateo 27:16 - Manobo Western Bukidnon

¹⁶ Ne zuen nevantug he etew he mibpirisu he egngezanan ki Berabas.

Mateo 27:16 Кръстосани препратки

Mateo 27:15

Ne iyan neleyaman ni Pilatu is: kada tuig, emun Pista en te Kedlevayi, edlibriyen din is sevaha he pirisu ke edhengyuen te menge etew.

Mateo 27:17

Ne hein nevurun en dutun is menge etew, ne mid-insà si Pilatu te, “Hentei zapit is egkesuatan niw he edlibriyen ku, iyan be si Berabas wey ke iyan be si Jesus he migeraran he Pinilì te Megbevayà?”

Marcos 15:7

Ne zuen dutun pirisu he egngezanan ki Berabas, ne haazà si Berabas wey is menge zuma zin, ne midsukul zan te gubirnu ne nekepatey sikandin te etew zutun te kedsinamuk dan.

Lucas 23:25

Ne zutun midlibri ni Pilatu si Berabas he mibpirisu tenged te kedsinamuk din wey kebunua zin te etew. Ne si Jesus, insug̵ù en ni Pilatu he meulaula ziyà te kandin is egkesuatan te menge etew.

Juan 18:40

Ne mibpememensag dan te, “Kenà iyan sikandin, kekenà, iyan nu ipaawà si Berabas.” (Ne haazà si Berabas, tulisan.)

Nengeulaula 3:14

iyan, sikiyu, wazè niw mesuati sikandin is wag̵as he wazà kandin he mezaat he ulaula. Midhangyù kew he iyan libriya ni Pilatu kes teremunù he nepirisu.

Ruma 1:32

Netuenan dan pezem he ke ed-ul-ulahan dan is menge iring kayi, edsilutan sikandan te kemetayen he wazè din pidtemanan, iyan ebpeniguduwan dan gihapun, ne kenà duen dà taman, su utew zan egkesuat emun egkeehè dan is ulaula te zuma he iring ded te kandan.

Ruma 16:7

Ipengemusta a zaan ki Andruniku wey si Hunias. Menge zuma ku sikandan he Hudiyu he mibpirisu zuma kedì. Telehuzen sikandan te menge epustul, ne nehuna sikandan neketuu ki Kristu, ne human a.