Mateo 26:75 - Manobo Western Bukidnon

⁷⁵ Ne human metenuzi ni Pedro sikan is migkag̵i kandin ni Jesus he, “Te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala.” Ne zutun migawas si Pedro ne nekelelendag.

Mateo 26:75 Кръстосани препратки

Mateo 10:33

Iyan, sikan is egkag̵i ziyà te menge etew he kenà a iyan egalen din, kenè ku zaan sikandin ed-engkenen diyà te etuvangan te Amey ku he ziyà te langit.

Mateo 26:34

Ne zutun migkag̵i si Jesus diyà te ki Pedro te, “Benar is egkeg̵iyen ku kenikew he te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala!”

Mateo 26:74

Ne zutun mid-amin-amin si Pedro te sapà, ke sikandin te, “Siluti a te Megbevayà ke tarù heini is lalag ku he kenè ku egkekilala heeyan he etew.” Ne zutundutun, mid-ukarà is manuk.

Juan 13:38

Ne midtavak si Jesus te, “Ebpehimatey ke ve tenged kediey? Benar iyan is egkeg̵iyen ku kenikew he te kenè pe kan ebpengukarà is manuk ne ketetelu ke en ebpekekag̵i he kenà a kenikew egkekilala.”

1 Kurintu 4:7

Kunaan niw vuwa ke lavew kew te menge zuma he tumutuu ki Kristu. Is dekelà he kedsavut niw, ne kunaan niw vuwa ke zaan heini ziyan te keniyu ne wazà iveg̵ey keniyu te Megbevayà! Su emun netuenan niw he imbeg̵ey zà heini keniyu, maan is idantal niw?

Gelasya 6:1

Menge suled, ke zuen duma niw he tumutuu he netuenan niw he nesupak din is Megbevayà, sikiyu is mid-ulinan te Wag̵as he Mulin-ulin, tevangi niw sikandin su wey zin kenà meengkezi is kedtumana zin te egkesuatan te Megbevayà. Asal, kinahanglan he utew kew mepelevayen is edtavang kandin. Mebpekevantey kew su kela ke mepenulayi kew zaan ni Setanas.

1 Pedro 1:5

Kenitew en haazà is integ̵ana zin. Tenged te nekesarig kiw kandin, nelig-enan kiw te g̵ehem te Megbevayà te kemulu kiw pa edtag̵ad te kedtulusa zin kenitew keuzemà te ketepusan he timpu.