Mateo 26:58 - Manobo Western Bukidnon

⁵⁸ Si Pedro, midtinundug, asal kenà utew ed-uvey ne zutun te nekeuma zan en diyà te valey te lavew he memumuhat ne ziyè dà medtaman si Pedro te lama. Ne hein nekeseled en sikandin dutun te lama, mibpesahugsahug sikandin mebpinuu zuen te menge guwardya su ed-ahaan din ke hengkey en is egkeulaula ki Jesus.

Mateo 26:58 Кръстосани препратки

Mateo 26:3

Ne zutun is menge punuan he memumuhat wey is ebmeg̵urangen te menge Hudiyu, midtig̵um dan diyà te turug̵an ni Keyipas he lavew he memumuhat

Mateo 5:25

Ne emun duen etew he insumbung ke zin ne egkeuwit ka ziyà te hukmanan, meupiya ke ebpekidhusey ka kandin te kenè kew pa ebpekeetuvang te huwes. Su emun ebpekeetuvang kew en te huwes kela ke ipalad ka zutun te huwes diyà te pulis ne egkepirisu ka.

Lucas 22:54

Ne zutun midakep dan si Jesus ne mid-uwit dan diyà te valey te lavew he memumuhat. Ne si Pedro, midtinundug daan asal kenà utew ed-uvey.

Juan 18:25

Ne kemulu pa si Pedro zutun is edhidhizazang. Ne zuen menge etew zutun he mid-insà kandin te, “Kenè ke ve sumusundan daan ni Jesus?” Iyan, mibarew ni Pedro. Ke sikandin te, “Kenà a iyan.”

Juan 19:6

Ne is menge punuan he memumuhat wey is menge pulis, hein neehè dan si Jesus, mibpememensag dan te, “Himetayi, iransang te krus!” Ne midtavak si Pilatu te, “Iyan kew medransang kandin te krus su siak, wazè ku egketuenan he salè din!”

Juan 7:32

Ne hein nezineg te menge Perisiyu heini is egkeg̵iyen te menge etew, sikandan wey is menge punuan he memumuhat, midsug̵ù dan is menge guwardya te zekelà he simbahan wey zan mezakep si Jesus.

Juan 7:45

Ne is menge Perisiyu wey menge punuan he menge memumuhat, hein midlikù is menge guwardya he midsug̵ù dan, mid-insaan dan ke maan is wazè dan mezakep si Jesus.

Nengeulaula 5:22

Ne hein nekeuma ziyà te pirisuwan haazà is menge pulis, wazè dan naahà. Ne midlikù dan ne midtudtul zan ke hengkey is nehitavù, ke sikandan te,

Nengeulaula 5:26

Ne zutun mibeyaan haazà is menge epustul zutun te kepitan wey menge pulis ne mid-uwit dan sikandan diyà te menge punuan, ne wazà bug̵ela zutun te pulis haazà is menge epustul su nahandek dan te menge etew su kela ke tulenga sikandan te vatu.