Mateo 26:5 - Manobo Western Bukidnon

⁵ “Deyzey nasì,” ke sikandan, “ke kenè tew sikandin edekepen dutun te timpu te pista su kela ke edsinamuk is menge etew.”

Mateo 26:5 Кръстосани препратки

Mateo 21:26

Ne emun egkeg̵iyen ta he etew zà, ebpemiligru ki te menge etew su midtuu zan he ebpeneuven si Juan te Megbevayà.”

Mateo 27:24

Ne zutun nesavut ni Pilatu he wazè en pulus te menge lalag din su ebpuunè en edsinamuk is menge etew, ne tenged dutun, migkuwa sikandin te wahig ne mibpenlùlù te velad din dutun te etuvangan te menge etew, ne ke sikandin te, “Keniyu he salà heini. Is lengesa kayi te etew, ne ziyè dà te keniyu he velad; lumpiyu is kedì.”

Marcos 14:12

Ne zutun neume en is nehuna he andew te Pista te Kegkeena te Supas he Wazè Din Tapey. Iyan haazà andew te kedlepaa te menge Hudiyu te ibpemuhat he nati he kerehidu he egkeenen dan dutun te Pista te Kedlevayi. Ne zutun mid-insaan si Jesus te menge sumusundan din te, “Hendei is egkesuatan nu he valey he edhilutuan dey wey zey meteg̵ana is idlavung nu te Pista te Kedlevayi?”

Marcos 14:2

Ne ke sikandan te, “Kenè tew edekepen sikandin te timpu te pista su kela ke edsinamuk is menge etew.”

Marcos 14:27

Ne migkeg̵iyan ni Jesus haazà is menge sumusundan din te, “Is langun te sikiyu, edluyahan is kedsarig niw kediey su zuen insurat he Lalag te Megbevayà he edhenduen te, ‘Edhimetayan ku is ed-elima te menge kerehidu ne ebpekedsusuwey is menge kerehidu.’

Lucas 20:6

Ne emun egkeg̵iyen tew he isip dà te etew, ne egkepeukan kiw te menge etew. Ne edtulengen kiw zan te vatu wey kiw zan mehimetayi su is menge etew, edtuuwan dan he ebpeneuven si Juan te Megbevayà.”

Lucas 22:7

Ne neume en dutun is andew te pista te kegkeena te supas he wazè din tapey. Ne iyan haazà andew te kedlepaa te menge Hudiyu te ibpemuhat he menge nati he kerehidu he egkeenen dan dutun te Pista te Kedlevayi.

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.

Nengeulaula 19:29

Ne zutun nekeeneb is samuk te tivuuk he inged. Ne haazà is dezuwa he zuma ni Pablo, si Gayu wey si Eristarku he menge tigMesidunya, midakep sikandan te menge etew ne migègaanan dan uwita ziyà te tig̵umanan te menge etew.

Nengeulaula 21:38

Kenè ke ve iyan kes tig-Ihiptu he malù en neug̵et guntaan he midsukul te gubirnu ne mibpengulu te heepat he libu he menge tulisan diyà te tanà he kenà ed-ubpaan te etew?”

Nengeulaula 4:28

Ne mid-uyunan dan ke hengkey is ed-ul-ulahan dan diyà te kandin sumalà is imbanglis nu he meulaula zan.