Mateo 26:49 - Manobo Western Bukidnon

⁴⁹ Ne hein nekeuma si Hudas, segugunè din mid-uvayi si Jesus ne migkag̵i te, “Na! Menunudlù!” Ne zutun midhezekan din si Jesus.

Mateo 26:49 Кръстосани препратки

Mateo 23:7

Utew ibmeupiya te g̵ehinawa zan ke edtehuzen sikandan te menge etew ziyà te tiyenggiyan wey ke ed-umawen sikandan he ‘menunudlù.’

Mateo 23:8

Kenè niw itug̵ut he iyan id-umew keniyu is ‘menunudlù’ su teltelesuled kew is langun ne sebsevaha zà is menunudlù niw he iyan a.

Mateo 26:25

Ne zutun migkag̵i si Hudas, kes ed-akal kandin te, “Menunudlù, iyan e ve ed-akal kenikew?” Ne ke si Jesus te, “Uya, iyan ka.”

Mateo 26:48

Si Hudas, is giya zan pehendiyà te ki Jesus, migkag̵i zin he zaan ke hengkey is tuus te kegketueni zan ki Jesus. Ke sikandin te, “Is etew he edhezekan ku, ne iyan en ebpen-ahaan niw. Ne zekepa niw en.”

Marcos 15:18

Ne edtahud dan uvag kandin, ke sikandan te, “Kumusta ka is hadì te menge Hudiyu!”

Lucas 7:45

Ne minsan te iyan betasan tew te kegalewg̵alew is kedhezeki ta te meg̵eliyug ta, ne wazà midhazek kedì te kebpekeuma ku. Ne heini is bahi, puun pa te kebpekeuma ku midtulungan din hezeki is menge paa ku.

Juan 19:3

Ne mid-uvayan dan su ebelvelayen dan. Ke sikandan te, “Kumusta ka, sikew is hadì te menge Hudiyu!” Ne midsumbag dan sikandin.

Juan 4:31

Ne zutun te kemulu pa haazà is bahi ziyà te inged, migkeg̵iyan si Jesus te menge sumusundan din te, “Datù, kaan ka.”

1 Tiselunika 5:26

Pengemustaha niw te limù is langun he menge suled tew ziyan.