Mateo 26:39 - Manobo Western Bukidnon

³⁹ Ne midlaus si Jesus diyà te uvey zà dutun ne midlangkeb sikandin ne mid-ampù, ke sikandin te, “Amey ku, ke egkehimu zà ne kenè nu en kediey ipeseg̵azi heini is merasey he imbanglis nu kediey, iyan, kenà egkesunud is kediey he egkesuatan, kekenà, iyan egkesunud is kenikew he egkesuatan.”

Mateo 26:39 Кръстосани препратки

Mateo 20:22

Ne migkeg̵iyan ni Jesus haazà is dezuwa te, “Wazè niw mesavut ke hengkey is edhengyuen niw. Egkeantus niw ve is merasey he ibpaantus kedì?” Ne midtavak dan is dezuwa te, “Uya, egkeantus dey.”

Mateo 24:24

Su zuen ebpemenlepew he menge teruen. Ne egkag̵i is kada sevaha kandan te, ‘Iyan a sikan is hadì,’ ne emun kenà, ne ke sikandin te, ‘Ebpeneuven a te Megbevayà.’ Ne ebpemeehè dan te egkein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Mateo 26:42

Ne midlikù si Jesus ne mid-ampù med-uman, ke sikandin te, “Amey ku, emun kenè en egkehimu he id-awà sikan is kedresaya kedì ne iyan egkesunud is kenikew he egkesuatan.”

Marcos 13:22

Su ebpenlepew is teruen he etew he egkeg̵iyen dan he iyan sikandan sikan is hadì he mibpilì te Megbevayà wey ke egkeg̵iyen dan be he ebpeneuven sikandan te Megbevayà. Ne ebpemeehè dan te egkengein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Lucas 17:16

Ne midluhud diyà te etuvangan ni Jesus ne utew zekelà is kebpeselemati zin kandin. Ne haazà is neulian, ne kenà Hudiyu su tigSemarya he etew.

Juan 11:41

Ne in-awè dan dutun haazà is batu he inlekeb te surung. Ne midlingahà si Jesus diyà te langit ne migkag̵i te, “Amey ku, ebpeselamat a kenikew su ebpemineg̵en nu is ebuyuen ku.

Juan 14:31

iyan, is ed-ul-ulahan ku g̵untaan, ne iyan insug̵ù kediey te Amey ku he Megbevayà. Edtumanen ku heini su wey metueni te menusiyà he mahal zini te g̵ehinawa ku is Amey ku. Ne kuwa kew en su ed-awè kiw kayi.”

Juan 18:11

Ne midawey ni Jesus si Pedro, ke sikandin te, “Ig̵umè nu heeyan is ubpit nu su is ibpaantus kedì te Amey ku, kenè ku ve ed-entusen?”

Juan 5:19

Ne zutun midtavak si Jesus te, “Utew venar is egkeg̵iyen ku keniyu he siak is Anak te Megbevayà, wazà egkehimu ku te kediey zà duen he g̵ehem; iyan dà edhimuwen ku is egkeehè ku he edhimuwen te Amey ku. Is ebeelan din, iyan daan ebeelan ku.

Juan 5:30

Wazà egkehimu ku te sebsevaha ku; su is paag̵i te kedsusiya ku te nengeveelan te menusiyà, impenurù kediey te Amey ku he Megbevayà. Ne metazeng mulà is kediey he kedsusi kandan su kenè ku ebpengahaan is kediey he egkesuatan, kekenà, is egkesuatan te Amey ku he midsug̵ù kediey.

Juan 6:38

Iyan igkeg̵iya ku kayi keniyu su midhendini a he ebpuun te langit wey ku metuman is egkesuatan te Megbevayà he midsug̵ù kediey; kenè ku iyan edtumanen is kediey zà he egkesuatan.

Nengeulaula 10:25

Ne hein edseled en si Pedro zutun te valey, midsinug̵ung si Cornelio ne midluhud kandin su ed-azap.

Pilipus 2:8

Ne zutun te etew en sikandin wazà sikandin mebpelavew, kekenà, mibpezumazuma sikandin te menge sug̵ù kandin te Amey zin he Megbevayà minsan pa te pinaag̵i kayi inransang sikandin te krus ne zutun mibpatey.

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.

Impezayag 19:10

Ne zutun midlangkeb a ziyà te etuvangan din su ed-ezapen ku pezem, iyan, mibensag̵an e zin te, “Kenà a kenikew ezapa su siak wey sikew wey is langun he menge zuma nu he edtuu te tuluuwen he impenurù ni Jesus, neked-iiring kiw zà he menge sulug̵uen te Megbevayà. Iyan nu zà ezapa is Megbevayà!” Umba migkag̵i zin haazà su sikan is ibpekag̵i te Megbevayà dutun te menge ebpeneuven te Megbevayà, ne iyan sikan is tuluuwen he impenurù ni Jesus.