Mateo 26:32 - Manobo Western Bukidnon

³² Iyan, emun egkevanhew ad, edhuna a keniyu ziyà te prubinsya he Geliliya.”

Mateo 26:32 Кръстосани препратки

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Mateo 20:19

ne ibpalad e zan daan diyà te menge etew he kenà menge Hudiyu. Ne is menge etew he kenà menge Hudiyu, ne ed-iringen e zan te velvelayen, ebug̵elen e zan, ne idransang e zan te krus su edhimetayan a. Ne seled te tetelu he andew zutun, ebenhawen a te Megbevayà.”

Mateo 26:33

Ne zutun migkag̵i si Pedro ziyà te kandin te, “Minsan ke edluyahan is kedsarig kenikew kayi te langun he menge zuma ku ne kenà mulà edluyahan is kedì, minsan egkemenumenu.”

Mateo 28:10

“Kenè kew egkehandek,” ke si Jesus, “beyai niw is menge suled ku ne keg̵iyi niw he medhendiyè dan te Geliliya ne ziyè e zan egkeuma,” ke sikandin.

Mateo 28:16

Ne haazà is sepulù wey sevaha he menge sumusundan ni Jesus, midhendiyè dan te Geliliya, duen te vuvungan he migkag̵i kandan ni Jesus.

Marcos 14:28

Iyan,” ke si Jesus, “dutun te kegkevanhew ku, edhuna a keniyu ziyà te prubinsya he Geliliya.”

Marcos 16:7

Ne te kegkeipus te ked-ahaa zan dutun, ke sikandin te, “Hendiyan kew en te menge sumusundan din ne keg̵iyi niw sikandan wey si Pedro he si Jesus, edhuna sikandin diyà te Geliliya ne ziyè niw sikandin egkeahà, sumalà is migkag̵i zin keniyu.”

1 Kurintu 15:6

Ne zutun mibpaahà daan sikandin te subra he lelima he g̵atus he nengetig̵um he menge sumusundan din. Ne kemulu pa uuyag guntaan is kezekelan kayi ne is duma nemematey en.