Mateo 26:3 - Manobo Western Bukidnon

³ Ne zutun is menge punuan he memumuhat wey is ebmeg̵urangen te menge Hudiyu, midtig̵um dan diyà te turug̵an ni Keyipas he lavew he memumuhat

Mateo 26:3 Кръстосани препратки

Mateo 26:69

Ne si Pedro, diyà te lama is ebpimpinuu. Ne zuen sulug̵uen he vahi he mid-uvey ziyà te kandin is egkag̵i te, “Sikew, duma ka zaan ni Jesus he tigGeliliya.”

Mateo 27:27

Ne zutun impeseled si Jesus te menge sundaru zutun te turug̵an te gubirnedur. Ne netig̵um diyà te kandin is tivuuk he kumpeniya te menge sundaru.

Marcos 14:54

Ne si Pedro, midtinundug daan asal kenà utew ed-uvey ne ziyè dà medtaman te lama zutun te valey te lavew he memumuhat. Ne mibpinuu sikandin dutun is ed-amur ziyà te menge guwardya ne midhizazang diyà te hapuy zutun.

Marcos 14:66

Ne si Pedro, kemulu pa zutun te lama te valey ne zuen bahi he sulug̵uen te lavew he memumuhat he mid-uvey ziyà te kandin.

Marcos 15:16

Ne zutun impeseled si Jesus te menge sundaru zutun te turug̵an te gubirnedur. Ne midtig̵um dan is tivuuk he kumpeniya te menge sundaru.

Lucas 22:55

Ne zuen hapuy ziyà te lama zutun te valey ne zuen menge etew he ebpemenhizazang. Ne mid-uvey zutun si Pedro ne midhizazang daan.

Juan 11:57

Ne insug̵ù he zaan te menge punuan he memumuhat wey menge Perisiyu he ke zuen egketau ke hendei si Jesus keg̵iya zin kandan wey zan ikepezakep.

Juan 18:24

Ne zutun impeuwit ni Anas si Jesus he mibakus diyà te ki Keyipas he iyan tutuu he lavew he memumuhat.

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.