Mateo 25:8 - Manobo Western Bukidnon

⁸ Ne zutun migkag̵i haazà is menge tulebung dutun te menge memetau te, ‘Beg̵ayi key te gas su egkengeevukan en is kenami he menge sulù.’

Mateo 25:8 Кръстосани препратки

Mateo 25:1

“Dutun te kedlikù ku, is kedhadì te Megbevayà, ne iring te sempità he sepulù he rag̵a he netukid te sulù su edsinug̵ungen dan is ebpengesawa.

Mateo 25:7

Ne nepukew haazà is sepulù he rag̵a ne midsusi zan is menge sulù dan ne mibpurungan dan.

Mateo 25:9

Ne midtavak haazà is memetau te, ‘Kenà egkehimu su kenà egkampet kenitew te langun is gas he neuwit dey. Hendiyè kew te tindahan wey kew mekepemasa te gas.’

Mateo 3:9

Ne kenè niw iyan serig̵i is kevuwazan kew ni Abraham su wazà dutun pulus diyà te Megbevayà. Su egkeg̵iyan ku sikiyu he emun iyan egkinehenglanen te Megbevayà, egkehimu he ebeelan din heini is menge vatu he kevuwazan ni Abraham.

Lucas 12:35

Ne impezineg en maan ni Jesus is sempità, ke sikandin te, “Andam kew he zaan su wey kenè kew metingkemed te minsan hengkey. Iringi niw is sulug̵uen he edtag̵ad te egalen dan he ebpuun te eseweey he midtelavuk din.

Lucas 16:24

Ne mid-umew sikandin diyà te ki Abraham, ke sikandin te, ‘He Apù Abraham, kehizuwi a kenikew! Ipehengkayi nu pa si Lazaro wey zin egkepetig̵isi te wahig heini is bèbè ku su utew e en nerasey kayi te hapuy!’

Lucas 8:18

Umba, purungi niw te ebpemineg is ibpenurù ku su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin haazà is kunaan din ke nesavut din en.”

Nengeulaula 8:24

Ne migkag̵i si Simon te, “Iampù a keniyu te Nengazen; hengyui niw sikandin he kenà meulaula kedì is silut he migkag̵i nu.”

Hibriyuhanen 4:1

Ne minsan pa zutun, wazà iawà te Megbevayà is daan he penaad din he zuen menge etew he ebpekeseled dutun te inged din wey zan mekehimeley zuma kandin. Ne tenged kayi kinahanglan he ebpekeandam kiw su wey wazà minsan sevaha kenitew he kenà edtug̵utan te Megbevayà he mekeseled dutun.

Impezayag 3:9

Ne haazà is menge etew he egkag̵i he menge Hudiyu sikandan, tarù is egkeg̵iyen dan su menge sakup sikandan ni Setanas. Edhimuwen ku he mekeluhud sikandan diyan te etuvangan niw. Ne zutun egketuenan dan he iyan kew mahal zini te g̵ehinawa ku.