Mateo 25:5 - Manobo Western Bukidnon

⁵ Ne g̵eina te neug̵et mekeuma sikan is ebpengesawa, ebpemekezungkàdungkè dan en dutun is edtag̵ad he ebpemekelipezeng.

Mateo 25:5 Кръстосани препратки

Mateo 24:48

Iyan, kehizu zin ke iyan diyà te isip din is egkeug̵et pa ed-ulì haazà is egalen din,

Mateo 25:19

Ne hein neug̵et dutun, mid-ulì haazà is egalen dan su edsusiyen din haazà is selapì din.

Mateo 25:4

Ne haazà is memetau, kada sevaha kandan mid-uwit te sulù lapik is gas he intag̵ù te butilya he teg̵ana ke egkeamin is gas dutun te sulù dan.

Mateo 25:6

Ne hein metaneb en dutun is kezukileman ne nezineg dan is ed-umew te, ‘Heini en sikan is ebpengesawa; sinug̵unga niw en sikandin.’

Mateo 26:40

Ne hein midlikuan din haazà is tetelu he menge sumusundan din, nekelipezeng dan, ne migkeg̵iyan din si Pedro te, “Wazè niw ve metigker he kenè kew medlipezeng te minsan sengeuras dà?

Mateo 26:43

Ne zutun midlikuan din sikan is menge sumusundan din ne neehè din he nemekelipezeng dan en maan su wazè dan maantus is kebpemetpetayi kandan te tuzug.

Lucas 1:21

Ne is menge etew he edtag̵adtag̵ad diyà te g̵awas dutun te simbahan he Valey te Megbevayà, nengeinuinu zan su maan is utew neug̵et si Zacarias dutun te seled.

Lucas 12:45

Iyan, kehizu zin ke iyan diyà te isip din is menaney pa ed-ulì haazà is egalen din ne ebpemug̵elen din is menge zuma zin he sulug̵uen he maama wey vahi ne iyan dà baal zin is egkaan wey ed-inum ne egkelangut.

Lucas 18:8

Egkeg̵iyen ku keniyu he utew meg̵aan is kedtevangi zin keniyu. Kenà ebungasen is Megbevayà he edtavang keniyu. Iyan, keuzemà emun edlikù a is Kakey te Menusiyà dini te kelibutan mezelag dà is etew zutun he neketuu kedì.”

Lucas 20:9

Ne zutun impezineg ni Jesus te menge etew is sempità su ibpesavut din kandan is keag̵i te ed-ul-ulahan te Megbevayà. Ke sikandin te, “Duen etew he zuen din bevesukà he mibpemulaan din te menge g̵awed he paras. Ne mibpeelimahan din te menge etew ne midhipanew ziyà te sengeg̵inhedian ne neug̵et sikandin dutun.

Ruma 13:11

Kinahanglan he iyan heini ed-ul-ulahan ta su netuenan ta ke hengkey is hustu he ed-ul-ulahan kayi te timpu. Su puun guntaan, is timpu keuzemà he zutun edhimesazen te Megbevayà is kedlibriya zin kenitew, uvey en kenà dutun te timpu zengan he neketuu kiw. Ne tenged kayi kinahanglan he kenè kiw iring te etew he nekelipezeng, kekenà, iring te etew he ed-andam.

Ipisu 5:14

Ne mehitenged kayi zuen erubasa he edhenduen te, “Sikew is edlipezeng, gimerat kad; sikew is minatey, ne mevanhew kad ne egketeyawan ka ni Jesu Kristu.”

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.

Impezayag 2:25

Iyan dà is: hemeni niw is netuenan niw en taman te ebpekeuma a.