Mateo 25:41 - Manobo Western Bukidnon

⁴¹ Ne zutun ekeg̵iyan ku is menge etew he ziyà te zapit te egkeg̵ivang ku te, ‘Sikiyu is midrewakan te Amey ku he Megbevayà, awè kew kayi! Su zutun kew te regreg he wazè din pidtemanan he integ̵ana he zaan ki Setanas he iyan idsilut kandin duma te menge velinsug̵uen din!

Mateo 25:41 Кръстосани препратки

Mateo 13:40

Ne haazà is ebezuten dan he menge mezaat he pinemula he ebinsulan dan, iyan haazà egkehitavù keuzemà te ketepusan he timpu,

Mateo 13:42

Ne zutun idtimbag sikandan diyà te hapuy ne zutun ebpemekekulahì dan ne ebpemekengingitel zan tenged te utew zan ebpemekedsendit.

Mateo 13:50

Ne is menge lalung, idtimbag dan diyà te hapuy. Ne sikan is menge lalung, ne ebpekekulahì dan wey ebpemekengingitel tenged te utew zan ebpemekedsendit.”

Mateo 18:8

Emun iyan ebpekeawà te kedsarig nu kediey is belad nu, emun kenà, ne paa nu, tempeza nu wey itimbag! Su meupiya pa ke pungkul ka is ebeg̵ayan te untung he wazà pidtemanan, kenà te zezuwa is belad nu wey paa nu he idtimbag ka ziyà te hapuy he wazà pidtemanan.

Mateo 25:42

Su zengan nevitil a, iyan, wazà a keniyu ipekaan; nemezahan a, ne wazà a keniyu ipeinum.

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Mateo 3:12

Geina te ibpedsivey zin te edtapid is menge metazeng wey is menge lalung he etew, iring sikandin te ebpalid te parey he id-awè din is ukap. Ne haazà is parey, ederengdengen, iyan, is ukap, edtutungen din diyà te hapuy he kenà egkeevukan,” ke si Juan.

Mateo 4:10

Ne mibensag̵an ni Jesus te, “Setanas, ewai a kenikew! Duen insurat he Lalag te Megbevayà he edhenduen te, ‘Iyan niw zà ezapa is Nengazen he Megbevayè niw. Ne is duma pa he ngazan he megbevayà, kenè niw tumana is sug̵ù din.’ ”

Mateo 5:22

Ne iyan kedì he penurù is: minsan sikan is egkepauk dà te zuma zin, edhukuman daan sikandin te Megbevayà. Ne sikan is edsulà te zuma zin te, ‘Wazè nu pulus he etew!’ ne egkeuwit sikandin diyà te husayen. Ne sikan is edsulaan din is duma zin he egkag̵i te, ‘Tulebung ka he wazè nu pulus,’ ne zait sikandin he egkeuwit diyà te hapuy te Impirnu.

Mateo 7:23

Ne iyan tavak ku kandan dutun is: ‘Kenè ku sikiyu egkekilala. Sikiyu is memezaat is ulaula, awà kew kayi!’

Lucas 13:27

Ne edtevaken kew zin te, ‘Kenè ku iyan egketuenan ke hentei kew wey ke hendei kew ebpuun. Sikiyu is memezaat is ulaula, awè kew en dini.’

Lucas 16:24

Ne mid-umew sikandin diyà te ki Abraham, ke sikandin te, ‘He Apù Abraham, kehizuwi a kenikew! Ipehengkayi nu pa si Lazaro wey zin egkepetig̵isi te wahig heini is bèbè ku su utew e en nerasey kayi te hapuy!’

Juan 8:44

Iyan amey niw si Setanas, ne is egkesuatan te amey niw, iyan daan egkesuatan niw he meveeli niw. Puun pa te puunà ne memumunù en si Setanas. Ne wazè din kelavet te tutuu he tuluuwen su wazà diyà te kandin is minsan hengkey he tutuu. Emun egkag̵i sikandin, ne tarù is lalag din su tarù dà is egkeisip din. Teruen man sikandin wey ziyà te kandin ebpuun is minsan hengkey he tarù.

2 Tiselunika 1:7

Ke ibpeg̵awag̵awa keuzemà is Nengazen tew he si Jesu Kristu he ebpuun te langit, id-awè din diyan te keniyu wey zini zaan te kenami is kemeresayan he egkeantus tew g̵untaan. Egkukumbalà sikandin te iring te regreg wey edumahan te menge mekeg̵eg̵ehem he menge velinsug̵uen din.

2 Tiselunika 1:9

Iyan silut din kandan is kemetayen he wazà pidtemanan. Egkesuwey zan is Nengazen wey is mekeg̵eg̵ehem he anlag din.

Hibriyuhanen 6:8

Iyan, ke zuen tanà he iyan dà ebpeketuvù duen is menge zug̵iyen he sagbet wey menge hilemunen, ne wazè din pulus, ne ed-engkezan, ne ebinsulan te teg̵itanà. Ne iring din ded daan is etew he iring kayi te tanà su edsilutan te Megbevayà.

2 Pedro 2:4

Su wazà pesegdana te Megbevayà minsan is menge velinsug̵uen din dengan he nekesalà, kekenà, intimbag din diyà te Iveyaan. Ne ziyè dan pa te utew merusirem he mibakus te kedina su idtag̵ad sikandan taman te andew te kedsilut.

1 Juan 3:10

Ne ke zuen etew he kenà metazeng is menge ulaula zin, tuus heini he kenà sikandin anak te Megbevayà. Ne kenà daan anak te Megbevayà is minsan hentei he kenè din ebmahalen is duma zin. Pinaag̵i kayi egketuusan ta ke hentei is menge anak te Megbevayà wey ke hentei is menge sakup ni Setanas.