Mateo 25:26 - Manobo Western Bukidnon

²⁶ Ne midtavak haazà is egalen din te, ‘Utew mezaat is baal nu! Peg̵ulen ka he sulug̵uen! Netuenan nu ves he edreg̵unen ku is kenè ku pinemula ne ebpenggenansya a te wazè ku ipetig̵ayun?

Mateo 25:26 Кръстосани препратки

Mateo 18:32

Ne impetawag dutun te hadì haazà he sulug̵uen, ne migkeg̵iyan din te, ‘Uripen ka he lalung! Mibpesaylu ku sikew ne in-awè kud diyà te kenikew is utang nu tenged dà te midhangyù ka kediey.

Mateo 21:8

Ne is utew mezakel he menge etew zutun, tenged te zekelà is kedtahud dan ki Jesus impendempas dan is impenamput dan diyà te ibayà ni Jesus. Ne is duma zutun, mibpenamped dan te menge zehunen he rasang ne in-eneb dan ipendempas dutun te zalan he ibayà ni Jesus.

Mateo 25:24

Ne midtelavuk daan sikan is sulug̵uen he mibeg̵ayan din te nengkelibu he pisus. Ke sikandin te, ‘Datù, netuenan ku he wazè nu kehizu su edreg̵unen nu is kenè nu pinemula, ne ebpenggenansya ka te wazè nu ipetig̵ayun.

Mateo 25:25

Ingkehandek ku sikew umba inleveng ku ziyà te tanà is selapì nu. Ahaa nu; heini zed sikan is selapì nu.’

Mateo 25:27

Maan is wazè nu ipeutang heeyan is selapì ku wey mepursintuwi wey medekelà is bali zin wey ku mezawat kayi te kedlikù ku?’