Mateo 25:2 - Manobo Western Bukidnon

² Is lelima kandan, ne tulebung; ne is duma zan he lelima, ne memetau.

Mateo 25:2 Кръстосани препратки

Mateo 10:16

Pemineg kew; edsug̵uen ku en sikiyu ziyà te menge etew he kumekaid. Iyan, sikiyu, kenè kew mulà ebpekekaid. Iring kew te menge kerehidu ne sikandan iring te menge erimaung. Kinahanglan he med-andam kew, iyan, kenè kew mebpesipala te minsan hentei.

Mateo 24:45

Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Mateo 25:3

Haazà is menge tulebung, mid-uwit dan is menge sulù dan, iyan, wazà gas he mid-uwit dan he teg̵ana ke egkeamin is gas dutun te seled te sulù dan.

Mateo 25:4

Ne haazà is memetau, kada sevaha kandan mid-uwit te sulù lapik is gas he intag̵ù te butilya he teg̵ana ke egkeamin is gas dutun te sulù dan.

Mateo 25:9

Ne midtavak haazà is memetau te, ‘Kenà egkehimu su kenà egkampet kenitew te langun is gas he neuwit dey. Hendiyè kew te tindahan wey kew mekepemasa te gas.’

1 Juan 2:19

Ne heini is menge kuntada ni Kristu, kenè tew sikandan tutuu he menge zuma su umba mid-ewaan kiw zan. Angin ke tutuu zan he zuma tew su wazè kiw zan geina ewai. Tenged te ked-awè dan egketuenan ta he kenè dan tutuu he menge zuma tew.

Hudas 1:5

Netuenan niw en is egkeg̵iyen ku, iyan, ed-umanan ku pa egkeg̵iya ziyan te keniyu wey niw kenà melipati. Dengan midlibri te Megbevayà is menge pinilì din he etew ne impeg̵uwè din sikandan diyà te g̵inhedian he Ihiptu, iyan, dutun te nekeg̵uwè dan en, mibpenhimetayan din is duma kandan he wazà medsarig kandin.