Mateo 25:16 - Manobo Western Bukidnon

¹⁶ Ne sikan is sulug̵uen he mibeg̵ayan te lelima he libu he pisus, impetig̵ayun din haazà is kandin, ne netig̵ayun te lelima pa he libu.

Mateo 25:16 Кръстосани препратки

Mateo 18:24

Ne zutun te kebpuuni zin pa te kedsusi kayi, mid-uwit dan diyà te kandin is sevaha he nekeutang diyà te kandin te sepulù he libu he libu he pisus.

Mateo 25:17

Iring din ded daan sikan is sulug̵uen he mibeg̵ayan te zezuwa he libu he pisus, su netig̵ayun daan te zezuwa pa he libu.

Lucas 19:13

Ne hein meg̵aan en sikandin edhipanew pehendiyà te sengeg̵inhedian, mid-umew zin is sepulù te menge sulug̵uen din ne kada sevaha zutun, mibeg̵ayan din te selapì. Ne neked-iiring is kezekelà te selapì he imbeg̵ey zin te kada sevaha. Ne migkag̵i sikandin diyà te kandan te, ‘Heini ve is selapì he ibpiyal ku keniyu, ne iyan kew en metau te ked-iseg din kedekelà taman te kenè e pa ebpekeulì dini,’ ke sikandin.

Nengeulaula 13:36

Ne netuenan ta, menge suled,” ke si Pablo, “he neug̵et en si David. Midtuman din is mibpeveelan kandin te Megbevayà ne hein neumuran sikandin ne minatey. Inleveng uvey te menge lukes din ne neredak is lawa zin.

1 Kurintu 15:10

Iyan, utew zekelà is hizu kediey te Megbevayà. Umba nehimu a he epustul su zuen pulus te kegkehizuwi zin kediey. Tenged kayi, dekelà is nehimu ku kenà te nehimu te langun he menge zuma ku he epustul, asal, kenà a iyan is nekehimu kayi, kekenà, nehimu heini is langun pinaag̵i te tavang te Megbevayà.

2 Timoteo 2:6

Ne iring daan is sulug̵uen te Megbevayà te ebasuk. Is etew he midhag̵ù mebasuk, ne iyan sikandin egkehuna he ebpekezawat te vahin te sebpet din.