Mateo 25:15 - Manobo Western Bukidnon

¹⁵ Mibahin din kandan sumalà is egkeveleveg te uman sevaha kandan te ebpetig̵ayun. Is sevaha, mibeg̵ayan din te lelima he libu he pisus; ne is sevaha, mibeg̵ayan din te zezuwa he libu; ne is sevaha pa, nengkelibu he pisus is imbeg̵ey zin dutun. Ne zutun migenat haazà is etew he edhipanew.

Mateo 25:15 Кръстосани препратки

Mateo 18:24

Ne zutun te kebpuuni zin pa te kedsusi kayi, mid-uwit dan diyà te kandin is sevaha he nekeutang diyà te kandin te sepulù he libu he libu he pisus.

Mateo 21:33

Ne migkag̵i si Jesus te, “Pemineg̵a niw is selakew pa he sempità he egkeg̵iyen ku keniyu mehitenged te ed-ul-ulahan te Megbevayà. Duen etew he zuen din pemuleey he mibpemulaan din te menge g̵awed he paras. Mid-alad din haazà, ne mibudsiyan din te meluag is dekelà he vatu su ebeelan din he keresà te wahig dutun te veg̵as te paras. Ne midlelawig sikandin te ebpeubpaan din te ebantey zutun te perasan. Ne mibpeelimahan din haazà is perasan ne zutun midhendiyà te sengeg̵inhedian.

Lucas 12:48

Ne sikan is sulug̵uen he wazè din pa metueni is ibpeveelan kandin te egalen din, iyan, duen mid-ulaula zin he igkepeuki kandin te egalen din, ne kenà utew sikandin ebug̵elen.” Ne mid-uman megkag̵i si Jesus te, “Is etew he zekelà is insarig kandin, dekelà daan is ebperetengen diyà te kandin. Ne emun utew pa zekelà is insarig kandin ne utew en daan dekelà is ebperetengen diyà te kandin.”

Ipisu 5:33

Iyan, kenà duen dà taman su egkehimu zaan he elin egkeg̵iyen din is teleesawa. Kinahanglan he mahala te maama is esawa zin ne kinahanglan daan he tehuza te vahi is kandin he esawa.