Mateo 25:14 - Manobo Western Bukidnon

¹⁴ Is kedhadì te Megbevayà ne iring daan te etew he edhipanew. Te wazè pa sikandin megenat, midtig̵um din is menge sulug̵uen din su idsarig din kandan is selapì din wey zan ikepetig̵ayun.

Mateo 25:14 Кръстосани препратки

Mateo 21:33

Ne migkag̵i si Jesus te, “Pemineg̵a niw is selakew pa he sempità he egkeg̵iyen ku keniyu mehitenged te ed-ul-ulahan te Megbevayà. Duen etew he zuen din pemuleey he mibpemulaan din te menge g̵awed he paras. Mid-alad din haazà, ne mibudsiyan din te meluag is dekelà he vatu su ebeelan din he keresà te wahig dutun te veg̵as te paras. Ne midlelawig sikandin te ebpeubpaan din te ebantey zutun te perasan. Ne mibpeelimahan din haazà is perasan ne zutun midhendiyà te sengeg̵inhedian.

Marcos 13:34

Su iring a te sevaha he etew he midhipanew he wazè din teleena ke keenu ed-ulì. Is menge sulug̵uen din ne impevantey zin te menge azen din. Ne mibpemeg̵ayan din is kada sevaha kandan te ketengdanan he ed-ul-ulahan dan dutun te kedhipanew zin. Ne migkeg̵iyan din is etew he impevantey zin te g̵emawan he kenà sikandin medlipezeng.

Lucas 20:9

Ne zutun impezineg ni Jesus te menge etew is sempità su ibpesavut din kandan is keag̵i te ed-ul-ulahan te Megbevayà. Ke sikandin te, “Duen etew he zuen din bevesukà he mibpemulaan din te menge g̵awed he paras. Ne mibpeelimahan din te menge etew ne midhipanew ziyà te sengeg̵inhedian ne neug̵et sikandin dutun.

1 Kurintu 12:4

Ne haazà is menge ketau he ibeg̵ey kenitew te Wag̵as he Mulin-ulin, ne kenà ed-iiring-iring, iyan, sevaha zà is puunè dan he iyan is Wag̵as he Mulin-ulin.

1 Kurintu 3:5

Isipa niw man heini. Siak si Pablo, hentei a? Ne hentei zaan si Epulus? Sulug̵uen key zà te Megbevayà. Pinaag̵i kenami midhimu zin he meketuu kew. Edtumanen dey zà is ebpeveelan din kenami. Ne iyan dà ed-ul-ulahan dey.

Ipisu 4:11

Iyan menge ketau he imbeg̵ey zin kenitew is: is duma, midhimu zin he epustul; ne is duma, midhimu zin sikandan he peneuva te Megbevayà; ne is duma, ne imbeg̵ey zin kandan is ketau wey zan ikesangyew is Meupiya he Tudtulanen; ne is duma pa, ne imbeg̵ey zin kandan is ketau wey zan meuwit wey mepenurù is menge tumutuu.