Mateo 24:7 - Manobo Western Bukidnon

⁷ Ebpekidtebek is sengeinged te zuma zin he inged; ne egira is sengeg̵inhedian te zuma zin he g̵inhedian. Egkehitavù is bitil wey menge linug diyà te minsan hendei.

Mateo 24:7 Кръстосани препратки

Lucas 21:11

Egkehitavù diyà te minsan hendei is menge mezesen he linug wey mepait he vitil ne ziyà te mezakel he menge inged ebpekeeneb is daru. Ne zuen egkeehè niw he utew igkeinuinu wey mekehandekhandek he singyal he ebpuun te langit.

Nengeulaula 11:28

Is sevaha zutun he migngezanan ki Egebu, ne mid-ulinan te Megbevayà, ne midhitindeg sikandin ne midtagnè din is utew zekelà he vitil he ebpekeeneb te tivuuk he kelibutan. (Ne nehitavù heini hein iyan pa hadì diyà te Ruma si Claudio.)

Nengeulaula 2:19

Ne zuen menge egkengein-inuwan he singyal he ibpeehè ku ziyà te langit wey ziyan daan te lumpad. Egkeahà is lengesa wey hapuy wey zekelà he evel.

Hibriyuhanen 12:27

Ne iyan kehulug̵an kayi te menge lalag he edhenduen te, “ed-umanan din ibpekerker” is: id-awè din is minsan hengkey he egkewaleng su wey iyan dà metag̵ak is minsan hengkey he kenà egkewaleng.

Impezayag 6:12

Ne neehè ku he id-awà dutun te nati he kerehidu is ikeenem he tiyap dutun te velesahan. Ne zutun midlinug he utew mezesen ne mibmeitem is andew ne henduen be te manggad he saku he meitem utew. Ne mibmerig̵à is bulan he iring te lengesa.

Impezayag 6:5

Ne hein in-awà dutun te nati he kerehidu haazà is iketelu he tiyap dutun te velesahan, nezineg ku he migkag̵i is iketelu he linimbag, ke sikandin te, “Genat ke en!” Ne neehè ku zutun he midlepew is kudà he meitem ne zuen timbangan he igkulang te ed-untud dutun.

Impezayag 6:6

Ne zutun henduen be te zuen migkag̵i ziyà te teliwazà duen te heepat he menge linimbag. Ke sikandin te, “Tetelu zà he salmun te veg̵as he trigu is egkepemasa te inendawen te sengeetew. Ne sengeg̵antang dà wey tetelu he salmun te veg̵as he sibada is egkepemasa te inendawen daan te sengeetew, iyan, kenè nu helina is bali te lana wey vinu.”

Impezayag 6:8

Ne mid-ehè ku ne midlepew zutun is kudà he meputìputì is kekelawag din. Si Kemetayen is ngazan te ed-untud dutun ne si Impirnu is ngazan dutun te edtinundug kandin. Ne imbeg̵ey kandan te zezuwa is kebayàbayà dutun te ikeepat he vahin te tivuuk he menusiyà wey zan mehimetayi pinaag̵i te gira wey vitil wey ebpenhalin he zaru wey ebpemekekaid he menge langgam.