Mateo 24:49 - Manobo Western Bukidnon

⁴⁹ ne ebpemug̵elen din is menge zuma zin he sulug̵uen; ne egkaan wey ed-inum duma te menge lelenguten.

Mateo 24:49 Кръстосани препратки

Mateo 18:28

Ne zutun mid-awà haazà is sulug̵uen ne neuma zin is sulug̵uen daan dutun te hadì he utangan diyà te kandin haazà is iring din he sulug̵uen te pira zà he pisus. Ne migewezan din haazà ne mibpekel zin te egkag̵i te, ‘Beyazi nu kes utang nu kedì!’

Mateo 24:48

Iyan, kehizu zin ke iyan diyà te isip din is egkeug̵et pa ed-ulì haazà is egalen din,

Mateo 24:50

Su zutun he andew te wazè din peebuta wey zutun te uras he wazè din metueni, ebpekeulì haazà is egalen din.

Mateo 7:15

Likayi niw is menge ebpeneuven kun te Megbevayà he tarù is ibpenurù dan. Henduen be te hustu sikandan he tumutuu te Megbevayà, iyan, ebpekezezaat is ibpenurù dan.

Juan 2:10

ne migkeg̵iyan din te, “Sumalà te vetasan tew, ke zuen keemuran, ibpenag̵ey idhuna is utew metaam he vinu, ne emun dekelè en is egkeinum te menge etew human ebpeneg̵aya is kenà utew metaam. Iyan, sikew, guntaan nu en peneg̵aya heini is binu he utew metaam!” ke sikandin.

Ruma 16:18

Su is menge etew he ed-ulaula te iring kayi, kenè dan edtumanen is sug̵ù te Nengazen tew he si Kristu, kekenà, iyan dan edtumanen is kandan he menge suat. Pinaag̵i te ketau zan te kegkag̵i wey pinaag̵i te mekempet he egkeg̵iyen dan, egkeekalan dan is isip te menge paglung he etew.

2 Kurintu 11:20

Su ke zuen minsan hentei he ebmandarmandar keniyu wey ke zuen ed-ag̵ew te menge azen niw wey ke zuen edlimbung keniyu wey ke edlupig̵en kew zan wey ke ebug̵elen kew zan ne ed-entusen niw.

Pilipus 3:19

Siguradu egkeimpirnu sikandan su iyan ebayàbayà kandan is menge mezaat he kebayà te lawa zan. Ibmeupiya te g̵ehinawa zan is menge mezaat he ulaula, iyan, meupiya pezem ke igkeeled dan; ne iyan dan dà egkeisip is menge vutang he zini te kelibutan.

1 Pedro 5:3

Kenè kew medhadìhadì kandan te insarig keniyu, kekenà, eg̵aka niw sikandan su wey iyan kew zan edsunuzen te menge meupiya he ulaula.

Hudas 1:12

Ebpekezezaat sikandan te zengeg niw ke edtampu zan te keemuran niw su kenè dan mulà egkeeled dutun te kedtumana zan te mezaat he kebayè dan ke ebpekidtug̵en dan keniyu. Iyan dà egkeisip dan is kandan dà he egkesuatan. Wazè dan menge pulus; iring sikandan te menge g̵apun he wazà duen uzan he mibpagwis te keramag. Iring sikandan te menge kayu he kenà ebpemeg̵as minsan pa te iyan en pezem timpu te kebpemeg̵as. Ne umba kenà ebpekepemeg̵as su nepiley en ne neg̵angu.

Impezayag 13:7

Ne midtug̵utan daan haazà is langgam he tebeka zin is menge etew he g̵aked te Megbevayà ne nezaag din dè pa sikandan. Ne imbeg̵ey kandin is kebayàbayà diyà te minsan hengkey he tribu wey minsan hengkey he kepuun, wey menge etew he minsan hengkey is kineg̵iyan dan, wey is minsan hengkey he g̵inhedian.

Impezayag 16:6

su mibpenhimetayan dan is menge tumutuu kenikew wey menge ebpeneuven dengan ne g̵untaan ibpeinum nu kandan is lengesa su iyan hustu he ibales nu kandan!”

Impezayag 17:6

Ne neehè ku he nelangut haazà is bahi te lengesa te menge tumutuu he midhimetayan din tenged te kedtuu zan ki Jesus. Ne utew a neinuinu te kegkeahaa ku zutun te vahi.