Mateo 24:45 - Manobo Western Bukidnon

⁴⁵ Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Mateo 24:45 Кръстосани препратки

Mateo 10:16

Pemineg kew; edsug̵uen ku en sikiyu ziyà te menge etew he kumekaid. Iyan, sikiyu, kenè kew mulà ebpekekaid. Iring kew te menge kerehidu ne sikandan iring te menge erimaung. Kinahanglan he med-andam kew, iyan, kenè kew mebpesipala te minsan hentei.

Mateo 13:52

Ne mid-uman megkag̵i si Jesus te, “Ne tenged kayi,” ke sikandin, “ke zuen menunudlù te kesug̵uan he nekesundan te hadì tew he Megbevayà, ebpekeiring sikandin te etew he zekelà is ketig̵eyunan din diyà te valey zin. Su kenà iyan dà igkepenurù din is kinezaan, kekenà, igkepenurù din daan is beg̵u.”

Mateo 24:46

Emun ed-ulì haazà is egalen din, utew zekelà is kelipey zutun te sulug̵uen ke egkeahà te egalen din he midtuman din en is langun he ebpeveelan kandin.

Mateo 25:2

Is lelima kandan, ne tulebung; ne is duma zan he lelima, ne memetau.

Mateo 25:21

Ne migkag̵i haazà is egalen din te, ‘Utew meupiya is baal nu! Metinumanen ka he sulug̵uen! Ne g̵eina te egkeserig̵an ka te zeisey he selapì idsarig ku kenikew is dekelà. Seled ka zini wey ka mekeambit te kelipey ku.’

Mateo 25:23

Ne migkag̵i haazà is egalen din te, ‘Utew meupiya is baal nu! Metinumanen ka he sulug̵uen! Geina te egkeserig̵an ka te zeisey he selapì, idsarig ku kenikew is dekelà. Seled ka zini wey ka medlipey te kelipey ku.’

Mateo 7:24

Ne minsan hentei he nekezineg kayi te langun he sambag ku ne ebpezumdumahan din, iring sikandin te etew he uluwanen, su heini is uluwanen, diyà mebevaley te zivavew te zekelà he vatu.

Lucas 19:17

Ne midtavak haazà is hadì te, ‘Utew meupiya heeyan. Meg̵ied ke ves iyan. Ne g̵eina te egkeserig̵an ka te minsan deisek he selapì ne iyan suhul ku kenikew is iyan ku sikew ibpezumala te sepulù he inged.’

Nengeulaula 20:28

Bentayi niw is ulaula niw wey ventayi niw zaan is langun he tumutuu he insarig keniyu te Wag̵as he Mulin-ulin; kinahanglan he iyan kew edlig-en te kedtuu te menge tumutuu te Megbevayà. Nehimu kiw zin he sakup pinaag̵i te kebpehimatey te anak din.

1 Timoteo 1:12

Ebpeselematan ku is Nengazen tew he si Jesu Kristu su mibeg̵ayan e zin te zesen wey ku metuman heini is ebpeveelan din kedì. Mid-isip e zin he metinumanen ne tenged kayi intezù e zin he sulug̵uen din.

2 Timoteo 2:2

Nezineg nu is kebpenurua ku te tutuu he tuluuwen diyà te mezakel he menge tumutuu; ne kinahanglan he ipenurù nu zaan heini diyà te menge etew he egkeserig̵an nu su wey mekepenurù dan daan te zuma.

Hibriyuhanen 3:5

Ne si Moises, sulug̵uen sikandin he metinumanen is kebayàbayè din te valey te Megbevayà ne nehimu is menge vaal zin he alung te ibpaahà te Megbevayà te egkeug̵et pa zutun he timpu egketuman.

Impezayag 2:13

Netuenan ku he sakup ni Setanas is inged niw. Ne minsan pa zutun midhemenan niw is kedtuu niw kedì ne wazè niw engkezi is menge penurù ku minsan dutun te kedhimetayi ki Entipas dengan. Metinumanen sikandin he ebpenudtul te menge lalag ku, ne midhimetayan sikandin diyan te inged niw he nesakup ni Setanas.